2017-ci ilin yanvar-noyabr aylarında pərakəndə ticarət dövriyyəsi 2016-cı ilin eyni dövrünə nisbətən müqayisəli qiymətlərlə 2,3 faiz artaraq 30,9 milyard manat olub.
Dövlət Statistika Komitəsindən bildirilib ki, istehlak məhsullarının 99,9 faizi qeyri-dövlət təsərrüfat subyektləri, o cümlədən 11,9 faizi ticarət müəssisələri tərəfindən satılıb.
Hesabat dövründə bir istehlakçı orta hesabla ayda 370,0 manatlıq və ya 2016-cı ilin müvafiq dövrü ilə müqayisədə 47,5 manat çox əmtəə alıb və ödənişli xidmətlərdən istifadə edib.
azertag.az