Meksikada arxeoloqlar kinorejissor Ridli Skottun "Yad" filmindəki yadplanetli məxluqu xatırladan insanların basdırıldığı məzarlıq tapıblar.
CNN-ə istinadən verilən xəbərə görə, məzarlıq Meksikanın qərbində, Sonora ştatındakı Onavas kəndində aparılmış arxeoloji qazıntılar zamanı aşkarlanıb.
İlkin hesablamalara görə, təxminən 1000 il yaşı olan bu məzarlıqda 25 insanın qalıqları var.
Onların yarısının kəllələri çox ciddi deformasiyaya uğrayıb.
Bundan başqa, skeletlərin çoxunun dişləri zədəlidir.
Alimlərin dediklərinə görə, mezoamerikan xalqlarının yaşadıqları yerdə indiyədək belə tapıntılarla qarşılaşmayıblar.
"Çox yəqin ki, mezoamerikan mədəniyyətində kəllə sümüklərinin deformasiyasından ayinlər məqsədilə bir sosial qrupu başqasından fərqləndirmək üçün istifadə ediblər", - arxeoloji qazıntılara rəhbərlik edən professor Kristian Qarsiya Moreno deyir.
Dişlərə gəldikdə isə, bu insanlar hələ sağ olanda, yeniyetməlik illərində onların dişlərini qəsdən əyiblər.
Arxeoloqun dediyinə görə, məzarlıqdakı adamlardan birinin qarnındakı sümüklər sanki tısbağa qını kimi deformasiyaya uğramışdı.
Məzarlığın olduğu yer pimas qəbiləsinə mənsub hinduların yaşayış məskənidir.
Video
Milli.Az