oç - Cəsarətli olun, çətinliklərdən qorxmayın. Asan gün deyil, ancaq uğur qazanmaq şansınız da yox deyil. İntizamlı olmağınızdan çox şey asılıdır. Şəxsi münasibətlər baxımından yaxşı gündür: yaxınlarınızla ünsiyyətə heç nə mane olmur, romantik görüşlər xoş keçir. Hətta indiyədək dil tapa bilmədiklərinizlə də yaxşı anlaşacaqsınız.
Buğa - Özgələrinin günahı ucbatından uzanan işləri bitirmək imkanınız var. İdeyalarınız o qədər yaxşıdır ki, çətin ki, kimsə onlarla razılaşmasın. İş tərəfdaşlarınızla və rəhbərliklə aradakı anlaşılmazlığa son qoya bilərsiniz. Bir az da inad eləsəniz, vəzifənizi qaldıracaqlar. Günün ikinci yarısı sizi çox maraqlı tanışlıq gözləyir. Ciddi deyil, amma xoşdur.
Əkizlər - Bir az mühafizəkar və diqqətcil olun. Günün ilk yarısı istənilən təcrübə üçün təhlükəlidir. Xüsusilə də özlərini yeni sahədə sınamaq istəyən Əkizlər ehtiyatlı olmalıdırlar. Özünüz olun, prinsiplərinizi dəyişməyin. Çətinliklərə baxmayaraq, peşənizlə bağlı məsələləri asanlıqla həll edəcəksiniz. Faydalı insanlarla tanış olacaq və vaxtınızı yaxşı keçirəcəksiniz.
Xərçəng - Qeyri-standart məsələləri həll etmək sizə asan asan olacaq. Yeni yollar tapır və kəşflər edirsiniz. Xərçənglərin bir çoxu öz sənətini dəyişmək, daha çox fantaziya və yaradıcı münasibət tələb edən işə keçmək istəyəcək. Şəxsi həyatınızda elə anlarınız olacaq ki, mövqelərinizi sərtliklə qorumalı olacaqsınız. Kimsənin müdaxiləsinə yol verməyin. Axşam sizi romantik sürpriz gözləyir.
Şir - Qazandığınız mövqeyi əldən verməməyə çalışın. "Allahdan buyruq, ağzıma quyruq" prinsipi bu gün işləmir. İşdəki uğurlarınız yalnız sizin özünüzdən asılıdır. Özünüzdən yaşlıların köməyinə tələsin, həm məsləhətlərinizə, həm dəstəyinizə ehtiyac var. Uzaqdan aldığınız xəbərlər sizi sevindirəcək. Xoş insanların əhatəsində səfərə çıxmaq üçün əlinizə fürsət düşəcək.
Qız - Gün elə də pis deyil. Amma istədiyinizi əldə etmək üçün həddən artıq enerji sərf etməli olacaqsınız. Sınaqlara hazır olun. Onları ləyaqətlə dəf edərək nüfuzunuzun artmasına nail ola bilərsiniz. Ailədəki anlaşılmazlıqları aradan qaldırmaq üçün xeyli vaxt sərf edəcəksiniz. Uzaq qohumlarınız peyda olacaqlar. İstəmədiyiniz tədbirə dəvət alacaqsınız. Sevdiyiniz sizə xoş sözlər deyəcək.
Tərəzi - Hamı bu gün sizdən kömək gözləyir. Amma sizin bir probleminiz ortaya çıxanda onların hamısı gözdən itir. Kefinizi pozmayın. Heç kimin sizə kömək etməyəcəyini nə qədər tez anlasanız, bir o qədər yaxşıdır. Təklikdə hər şeyin öhdəsindən daha yaxşı gəlirsiniz. Dünyagörüşünüzü genişləndirəcək məşğuliyyətlərdən yapışın - teatra, kinoya, konsertə gedin. Uzaqdan gələn qohum və ya dostlarınız sizi sevindirəcəklər.
Əqrəb - Emosional fon qeyri-sabitdir. Tez-tez qıcıqlanırsınız, bəzən də tamamilə ruhdan düşürsünüz. Ətrafınızdakılar sizi şənləndirməkdə çətinlik çəkirlər. Hətta bu sizi əsəbləşdirir də. Amma tək qalmaq istəyirsinizsə, nə ilə məşğul olacağınızı əvəlcədən fikirləşin. Bekarçılıq sizə çox pis təsir edəcək. İstənilən iş isə gərəksiz narahatlıqdan sizi qurtaracaq.
Oxatan - Heç də hamı sizdən razı deyil. Tənqidlərin arası kəsilmir. Bunların hamısını qulaq ardına verməyin. Nəticə çıxarın ki, səhvlərinizi təkrar etməyəsiniz. Unutmayın, hətta ağılsız və təcrübəsiz hesab etdikləriniz bəzən çox dəyərli ideyalar irəli sürürlər. Şəxsi həyatınızda hər şey yaxşıdır. Çox məlahətlisiniz, qarşı tərəfin diqqətini xüsusilə hiss edəcəksiniz.
Oğlaq - Rəqabət qızışır və sizin bir az əvvəlki tərəfdaşlarınız qəfildən qarşı cəbhədə peyda olacaqlar. Ancaq öz gücünüzə arxalanın, xüsusilə söhbət böyük yatırım tələb edən ciddi məsələlər və uzunmüddətli planlardan gedirsə. Maraqlı görüşlər və ünsiyyətlə dolu gündür. Bugünkü tanışlıqlar maraqlı olduqları qədər də ötəridirlər. Sevdiyiniz sizi yaman qısqanır.
Dolça - Asan və xoş gündür. Ətrafınıza topladıqlarınız insanlarla maraqlı vaxt keçirəcəksiniz. Darıxmağa və boş söhbətlərə yer qalmayacaq. Cəsarət tələb edən işlərinizin hamısı uğurlu olacaq, həm enerjiniz çoxdur, həm də inadınız. İstənilən əyləncəli tədbirlər əla alınacaq. Bu gün yüngül roman axtaran Dolçaların da bəxti gətirib. Sizin qarşınızda dayanmaq çətindir.
Balıqlar - Ağzınızdan çıxan sözlərə görə peşman olmayacaqsınız, hamı sizi necə lazımdır, elə də başa düşəcək. Odur ki, kütləvi nitq söyləmək, iş görüşlərində, aktual mövzuların müzakirəsində iştirak etmək üçün münasib vaxtdır. Başqalarının sizə diqqəti enerjinizi daha da artıracaq. Şəxsi həyatınız da sevindirəcək. Yalqız Balıqların bu gün maraqlı tanışlıqları baş tutacaq. Amma diqqətli olun, bəziləri tək sizin özünüzlə deyil, imkanlarınızla da maraqlanırlar.