Respublika Müalicəvi Diaqnostika Mərkəzinin (RMDM) nəzdində fəaliyyət göstərən Bakı Ürək Mərkəzində xeyriyyə aksiyasi keçirilib.
Mərkəzdən bildiriblər ki, aksiya çərçivəsində anadangəlmə ürək qüsuru olan iki yaşadək uşaqlar üzərində mədəciklərarası çəpərin qüsuru əməliyyatı uğurla aradan qaldırılıb. Əməliyyatlar mərkəzin kardiocərrahı Elnur Həsənovun rəhbərlik etdiyi həkim briqadası tərəfindən aparılıb.
Uşaqlar əməliyyatdan iki gün sonra evə yazılıblar.
Qeyd edək ki, bu problem anadangəlmə ürək qüsurları arasında geniş yayılıb. Bu mədəciklərararası çəpərin tam inkişaf etməməsi nəticəsində arakəsmənin açıq qalması ilə müşahidə olunan problemdir. Belə olduqda həyatlarının üçüncü ayından etibarən uşaqlarda durğun ürək çatışmazlığı meydana çıxır. Problemli uşaqlarda tənəffüsün tezləşməsi, tez yorulma, həddindən artıq tərləmə və çəkidə geri qalma müşahidə olunur.
Kiçik yaşlarında olunan əməliyyatın riski aşağıdır və demək olar ki, xəstəliyin bütün simptomları aradan qalxır.
azertag.az