Qoç - 2013-cü ildə sizin üçün daha bir maraqlı gündür. Planetlər çətinliklə nəzarət edəcəyiniz hadisələrə start veriblər.

Kəskin və gərgin vəziyyətdə beyniniz dəqiq və aydın çalışır. Mürəkkəb situasiyadan orijinal çıxış yolu tapıla bilər. Amma texnika, rabitə ilə bağlı problem yaranacaq.

Yolda ehtiyatlı olun.
Əlavə problemlər yaratmayın, cari məsələlər çərçivəsində hərəkət edin. Şəxsi münasibətlərdə körpüləri yandıra biləcək izafi aşkarlığa varmayın.

Enerjinizi tərəfdaş və ya iş yoldaşına yardıma yönəldin.

Buğa - gərginlik hiss olunan bütün sahələrdə nizam yaradılması üçün uğurlu gündür. Hadisələr sizi "ayıldacaq" və müəyyən məsələ konkretləşəcək. Münasibətlərdə çətinliklər yaranacaq.

Fəqət səmimilik və aşkarlıq aranızdakı münasibətləri yeni səviyyəyə çıxaracaq.
Dəyərləndirin, təhlil edin - hər şey yaxşı ola bilər. Maraqlandığınız informasiyanı arayın.

Bu gün faydalı və ya perspektivdə gərəyiniz ola biləcək nəsnəni tapa bilərsiniz
Səfərləri, hətta ən yaxın məsafəyə yollanmaq istəyini təxirə salın.

Əkizlər - Merkuri və Uranın qarşılıqlı münasibətləri aktivləşib. Enerji itkisi, daxili durumda kəskin dəyişiklik, işə və ya insana münasibətin dəyişməsi mümkündür.

Xəbərləri izləməklə yanaşı, reaksiyaya da nəzarət etmək gərəkdir. Ailə münasibətləri, yaxın adamlarla təmaslardakı hisslər sınağa çəkiləcək.

Qəfil səciyyəli olay, hətta münasibətlərin kəsilməsi istisna deyil.
Evdəki qaydanı kontrolda saxlayın, nəyinsə sıradan çıxmasına imkan verməyin.

Xərçəng - gözlənilməz sevinc, heyrət və ya stressə səbəb ola biləcək hadisə baş verəcək. Təcili ivə orijinal həll tələb olunduğu bu gündə planlar qurmaq çətindir. Bütün ideya və təkliflərə diqqətlə yanaşın.

Evə baş çəkin. Xüsusi ehtiyac yoxdursa, təmirə başlamayın və ya nəyisə təmir etməyə çalışmayın.

Ailə üzvləri və yaxınlarınızın qayğısına qalın. Uşaqlar sizə yaxın olsunlar. Valideynlərlə münasibətləri aydınlaşdırmağa çalışmayın.

Əks təqdirdə səbəbsiz münaqişə qaçılmazdır.
Münasibətlərdə gərginlik yarana bilər.

Şir - imkan yaranarsa, mühüm işlərdə bu gün taym-aut götürün və ifrat məsuliyyətlə konkret səylər tələb etməyən rutin işlərlə məşğul olun.

Bununla belə, işlərdə və ya münasibətlərdə mühüm dönüşə səbəb ola biləcək spontan vəziyyət yarana bilər. Bütün hallarda və şərtlərdə çevik, qıvraq, məsuliyyətli və soyuqqanlı olmağa çalışın.

Başqası həyatınıza aktiv müdaxilə etməyə can atdığı bir vaxtda nəyisə çətinləşdirmək, mürəkkəbləşdirmək gərək deyil.

Həyatın vadar etdiyi seçimdən qaçmağa dəyməz. Real və ya virtual ünsiyyətdə özünüz üçün önəmli nəticəyə gələ bilərsiniz.

Qız - emosional durumunuz yaxın ətrafınızdakı insanlara təsir edir. Həyatınıza hansısa yeni mövzu, şərt müdaxilə edir. Yeni maraq, yeni istək və əyləncə hissi peyda olur. Narahatlıq və təlaş yaranarsa, onun səbəbini anlamağa çalışın.

Yeni təmaslar və tanışlıqlarda perspektivin anlaşılması, mühüm suallara cavabların alınması mümkündür.
Uran sizdən tez, sürətli hərəkətlər tələb etsə də, emosiyalar əvəzinə sağlam məntiqə əsaslanaraq davranın.

"Bu, mənə gərəkdir?" sualını verin və ona cavab arayın.
Mühüm məsələ ilə bağlı mövqeyinizdə sabah dəyişikliklərin baş verməsi istisna deyil.

Tərəzi - Merkuri və Uran fəallaşıblar. Uranın təsiri altında baş verən hadisələr adətən qətiyyət, əzm, rasionalizmlə qarşısı alınan, stabilliyi qorumaq üçün çərçivəyə salınan hadisələrdir.

Qəfil xəbər və yeniliklər çox sürətlə gəlir. Emosional sarsıntılar və hissiyata əsaslanan addımların kökündə qeyri-stabillik durur. Gərgin gözləntidən əl çəkin, sakitləşin, həyatdan həzz alın. Başqası ilə daha yaxşı olacağını düşünməyin, çünki bu, xam xəyaldır.

Öz dalğanızda olun. Kimisə və ya nəyisə gözləməyin, yeni şəraiti özünüz yaradın və hadisələri idarə edin.

Əqrəb - yaşananları və baş verənləri müzakirə edərək günahkar aramağa çalışmayın. Situasiya gözlənilməz istiqamətdə inkişaf edə bilər.

Çətin vəziyyətdən asanlıqla çıxmağınız istisna deyil. Di gəl, fəallıq nə qədər az olarsa, problemlər də bir o qədər az yaranacaq.

Təhtəlşüurun siqnallarını qulaqardına vurmayın. Gərgin zamanlarda o, aşkar ismarıclar, işarələr verir, yuxu vasitəsilə nə isə deməyə çalışır. Hadisələrin spontan inkişafının yaxşı tərəfi sualları cavablayarkən həqiqətin aşkarlanması, insanların gözlənilməz vəziyyətlərdə tanınmasıdır.

Onların bəzi xüsusiyyətləri adi vəziyyətlərdə üzə çıxmır.

Oxatan - öz dairənizdə yeniliklərin katalizatoru ola bilərsiniz. Maraqlar və ya kəskin tələbat yeni ideyalar yaradacaq. İdeyaları saf-çürük edin.

Situasiyanı dərhal dəyişəcəyini düşündüyünüz ideyanı dərhal həyata keçirməyə tələsməyin.
Ədalət naminə deyək ki, çətin vəziyyətərdən birini çözə biləcəksiniz, amma bütün ağır durumlardan çıxmaq çətindir.

Spontan fəaliyyətin effekti şok yaratsa da, hər şey sürətli, parlaq, aşkar və konkret olacaq.
Münasibətlər məkanı təmizlənmiş və saf, yeni təcrübənin qəbuluna hazır təsir bağışlayır.

Oğlaq - qorxu, əməllərin doğru olması ilə bağlı şübhələr, yaxın ətrafdakı insanlardan birindən kəskin narazılıq mümkündür.

Şərait baş verənlərin mənzərəsini qəflətən dəyişərək stress yarada bilər. Alınan məlumatlar və yaranan problemlərin təcili təhlil olunması gərəkdir. Hər şey göründüyü kimi pis deyil.
Nevroz gündür, amma sabah hər şey fərqli olacaq.

Yaranan dəyişiklikləri nəzərə alaraq bundan sonrakı hərəkətlərin planını düşünmək gərəkdir. Eyni zamanda fəaliyyəti dayandırmayın, münasibətləri pozmayın.

Dolça - qəfil dəyişikliklərin səbəblərini və köklərini anlamaq üçün soyuqqanlı olun, məntiqlə düşünün. Yalnız fövqəladə vəziyyətlər təcili həlləri tələb edir: yerdə qalan situasiyalar gözləyər. Məişətdə və yollarda travma, qəza ehtimalı yüksəkdir.

Yaxın ətrafınızdakı insanlarla çox səmimi olmayın, onları sərt tənqid etməyin.
İntellektual iş üçün yüksək məhsuldarlığa malik gündür.

Qadınlar arasında sərt münaqişə istisna deyil. Ayrılıqda yaşayan gəlin və qayınana bu gün görüşməsələr, yaxşıdır.

Ürək bayram istəyirsə, evdə isə işlər çoxdursa və kimsə də yardım etmək fikrində deyilsə - münaqişə qaçılmazdır.

Hər şeyə rəğmən, problemlərin öhdəsindən təkbaşına gəlməyə çalışın.

Balıqlar - yeni görüşlər, tədbirlərə baş çəkilməsi xeyir verə bilər. Yenilik gətirən nə varsa, yaxşıdır. İnformasiya aldığınız ənənəvi kanalları genişləndirin.

Təklif və dəvətlərdən boyun qaçırmayın. Bununla belə, problemlər yaratmamaq üçün ehtiyatlı olun.
Axşam saatlarını evdə keçirsəniz, yaxşıdır.
İnformasiya axtarışı və ya internetdə ünsiyyət gözlənilməz nəticə verə bilər.

Qarşılıqlı səmimiyyət üçün səbəb yaranarsa, bu gün münasibətlərinizdə dönüş nöqtəsi olacaq.

Milli.Az