Azərbaycanlı xanəndələr Alim və Fərqanə Qasımovlar dünya şöhrətli kanadalı ifaçı Nelli Furtadonun (Nelly Furtado) repertuarına müraciət ediblər.
Musiqi nömrəsi xüsusi olaraq ANS TV-nin "Bizimkilər 2.0" layihəsi üçün hazırlanıb. Musiqili layihədə əsas məqsəd məşhur dünya hitləri vasitəsilə Azərbaycan xalq alətlərinin bütün zənginliyini, gözəlliyini və imkanlarını nümayiş etdirməkdir.
Qeyd edək ki, 31 dekabr - Yeni İl və Dünya Azərbaycanlılarının Həmrəylik Günündə təqdim edilən “Bizimkilər 2.0” layihəsində uzun illər bütün dünyada məşhur olan hit mahnılar musiqi alətlərimizin və muğam ifaçılarının köməyi ilə milli, həmçinin müasir improvizasiyada yenidən ifa edilərək tamaşaçıların ixtiyarına verilib. İnstrumental aranjemanda ifa olunan məşhur hitləri Azərbaycan incəsənətində xüsusi yeri olan şəxslər ifa edib.
"Bizimkilər 2.0" layihəsinin ideya müəllifi və rəhbəri Seyfulla Mustafayev, baş redaktoru Samirə Səfərəliyeva, musiqi rəhbəri və aranjimanı Yaşar Baxış, Elçin Əhmədov, rejissoru Yaşar Əliyev, prodüsserləri isə Aynur Hüseynova və Nadirə Məmmədovadır.
VIDEO
ANS PRESS