Azərbaycanın Lerik rayonuna 40-60 santimetr qalınlığında qar yağıb.
Ekologiya və Təbii Sərvətlər Nazirliyinin Milli Hidrometeorologiya
Departamentinin Hidrometeoroloji Proqnozlar Bürosunun baş hidroloqu Asif
Verdiyevin verdiyi məlumata görə Azərbaycanın rayonlarında havanın
temperaturu gecə 4-9, gündüz 10-15 dərəcə isti, dağlarda gecə 4 dərəcə
şaxtadan 1 dərəcəyədək isti, gündüz 2-7 dərəcə isti olacaq. Yüksək
dağlıq ərazilərdə havanın minimal temperaturu 8-13 dərəcə şaxta təşkil
edəcək.
Bakı və Abşeron yarımadasında havanın buludlu olacağı, yağışın arabir
kəsiləcəyi gözlənilir. Havanın temperaturu gecə və gündüz 8-13 dərəcə
isti olacaq.