“GoMap.az” onlayn naviqator portalının mobil versiyası istifadəyə verilmişdir. Bundan sonra istifadəçilərimiz mobil qurğular, telefonlar və s. vasitəsilə də portaldan istifadə edə biləcəklər.
Qeyd edək ki, Mədəniyyət və Turizm Nazirliyinin sifarişi ilə “Sinam” şirkəti tərəfindən hazırlanan və 2011-ci ildən istifadəyə verilən “GoMap.az” onlayn naviqator portalına hər gün 5 mindən çox istifadəçi daxil olur. Hazırda Gürcüstanın ərazisi də daxil olmaqla, sistemdə 90 mindən çox obyekt haqqında məlumat almaq mümkündür. Qonşu ölkənin ərazisi, yolları barədə məlumat burada yerləşdirilib. Gürcüstanın 9 böyük şəhəri barədə isə ünvan məlumatları vardır.