Azərbaycanın yuxarı səviyyəli milli domen zonasında (.az) qeydiyyatdan keçən domenlərin sayı artmaqda davam edir.
Rabitə və İnformasiya Texnologiyaları Nazirliyinə istinadən verilən məlumata görə, domenlərin statistikasını aparan www.whois.az saytına əsasən, «*.az» zonasında artıq 16 426 domen adı qeydiyyatdan keçib.
Domenlərin əksəriyyəti (15 278) «*.az» domeninin payına düşür, digərləri isə «*.com.az», «*.pro.az», «*.net.az», «*.org.az», «*.edu.az» və s. subdomenləridir. Bu ilin əvvəlindən artıq 131 yeni domen adı qeydiyyata alınıb.
Qeyd edək ki, «*.az» domen zonası Azərbaycan və ya ölkə ilə bağlı obyektlər üçün istifadə olunur.
Xatırladaq ki, internetdə domen adlarının və nömrələrin verilməsi ilə məşğul olan ICANN korporasiyası (Internet Corporation For Assigned Names and Numbers, ICANN) 1993-cü il avqustun 25-də «*.az» domen zonasının Azərbaycan dövlətinə verilməsi haqqında qərar qəbul edib.
APA