Qoç - İşgüzar görüş, danışıq və məsləhətləşmə üçün əlverişli gündür. Əks cinsin mənsubu sizə yardım və ya hamilik edə bilər. Ötənlərdə başladığınız iş bu gün nəticə verə bilər. Nəticə mükafat, ödəniş, pul ola bilər. Hər şeyə rəğmən, gün yaxşı deyil.
Romantik istirahət və ya tərifə bel bağlamayın.
Axşam saatlarında gözlənilməyən çətinliklər, problemlər yarana bilər. Təmkinli olun, hər xırda məqama görə əsəbləşməyin, tapşırıq və tələblərə üsyan etməyin.
Bu gün hətta neqativ təcrübədən də fayda əldə etmək olar.

Buğa - İşiniz üçün faydalı ola biləcək informasiya arayın. Məşvərət, məsləhət, iclas, yazışma, tərəfdaş və ya şəriklə görüş üçün yaxşı gündür. Günün xəbərləri xoşagəlməz olsa da, ruhdan düşməyin. Bəzi planlar və işlərdən imtina edərək başqa işə başlayın. Səfərə çıxmaq və ya dostlarla görüşmək də mümkündür.
Gərgin gözlənti situasiyasında konkret işlə məşğul olun, təşvişdən qurtulun, suallarınıza birmənalı cavab aramağa can atın. Bəzi illüziyalarla vidalaşın, yeni hərəkət marşrutu seçin.

Əkizlər - Harmonik, rahat, sakit, ünsiyyətlə müqayisədə şəxsi işlərə daha meylli gündür. İş ön planda olmalıdır. İstirahəti isə axşam saatlarına saxlayın.
Axşam vaxtı gəzintiyə çıxın, dincəlin.
Gün karyera, işgüzar danışıqlar, yazışma və görüş üçün məsləhətli gündür. Hadisələrin inkişaf məcrasını diqqətlə izləyin. Gərginliyin artdığı yerdə ən yaxın vaxtda böhranın başlayacağına şübhə etməyin.
Tədbirli davransanız, nəyinsə qarşısını ala bilərsiniz.

Xərçəng - Həyatınızda yeni intriqa yaranır, gərginlik artır. Bütün qarışıqlar, ziddiyyətlərin bu gün çözüləcəyini düşünməyin. Mübahisə, qəfil problemin aradan qaldırılması üçün təcili iş istisna deyil.
Ailə üzvlərinin davranış və ya əməllərinə əsəbləşməyin. Əks cinsin mənsubu ilə münaqişə ola bilər.
Təsir edə bilməyəcəyiniz şərtlərlə bağlı həqiqət üzə çıxacaq. Güzəşt məcburiyyəti yarana bilər. Qalmaqal və davaya meylli olan insanlardan uzaq qalın.
Təkbaşına çalışmağa can atın.
Pozitiv yeniliklər tərəfdaşların aktivliyi, onların yeni ideyaları və təşəbbüsləri ilə bağlı ola bilər.

Şir - Ayın hərəkət çevrəsi başa çatmaqda olduğundan nəticələrə nəzər salmaq, bitən işlərə baxmaq vaxtıdır. Görüləsi işlər çox olduğundan, qüvvə və güc çatışmazlığı yarana bilər.
Açıq havada çox gəzin, meyvə yeyin. Yuxusuz qalmayın, özünüzü yormayın.
Əlavə iş görməyin, amma maraqlı ideyanı rədd etməyin, həmin planı həyata keçirməyin yollarını arayın.
Şəxsi həyatda sizi sevən insanların qayğısını çəkin. Amma bu adamlara nəzarət etməyin, onların hər hərəkətini çərçivəyə salmağa can atmayın.
Güzəştə getməyin. Belədə daha çox imkanlar əldə etmək şansı yaranır.

Qız - Həyatınızda ciddi təhlil və iş tələb edən situasiya yaranarsa, tələb olunan məkanlarda qayda, nizam yaradılması üçün çalışmağınız gərəkdir.
Hadisələr dəyişəcək, onların istiqaməti fərqli olacaq. Mühüm işlərin siyahısı isə dəyişməz qalır. Sizi çoxlu xəbərlər gözləyir. Baxış bucağını genişləndirin, daha çox informasiya aramağa başlayın.
Peşəkar fəaliyyət və perspektivlər barədə düşünmək üçün yaxşı gündür. Bir sıra təkliflər, hətta ən cazibədar təsir bağışlayan variantlar əsassız, puçdur.
Axşam saatları qəfil xəbərin gəlişi istisna deyil. Təşvişə düşməyin. Təhlükəsizliyinizi təmin edin.

Tərəzi - Ay və Dolçanın münasibətləri sizdən ehtiyatlı, soyuqqanlı, rasional davranmağı tələb edir. Ailə üzvləri və qohumlarından bir şəxslə, onun maraqları və problemləri ilə maraqlansanız, həmin insan sizə minnətdar olacaq.
Bu gün məsləhətə qulaq asın, xəbərdarlığı dinləyin.
Təkliflər və yeni imkanlar diqqətə layiqdir. Münasibətlər etibarlı deyilsə, istənilən xırdalıq səbr kasasını daşdıra biləcək son damlaya çevrilə bilər. Ən dayanıqlı saydığınız məkanda sizin büdrəmənizi istəyən var.
Bütün diqqəti işə yönəltsəniz və yalnız kəskin ehtiyac yarandığı təqdirdə başqalarına müraciət etsəniz, günün axarı çətin olmayacaq. Günün ikinci hissəsində alış-verişlə məşğul ola bilərsiniz.

Əqrəb - Təhlükəsizlik və rahat iş zonası seçin, ifrata varmayın. İşgüzar və yaxın münasibətlərinizin olduğu insanları sərt tənqid etməyin. Hətta bunun üçün səbəb olsa da, təmkinli davranın.
Başqaları mühüm işi sonuclandırmaq üçün çözüm yollarını axtararkən sizin bəxtiniz gətirə bilər. Çətinliklər uğura çevriləcək. Rəqiblərlə ehtiyatlı olun.
Çoxdan başladığınız işi bitirməyin yollarını arayın. Şəxsi münasibətlərdə diqqətli olun, vədlərinizi unutmayın.

Oxatan - Baş verənlərə və yaşananlara obyektiv baxsanız da, bir məsələ sizi çox hirsləndirəcək. Bu isə planlaşdırılmamış, amma önəmli dəyişikliklərə səbəb ola bilər.
Hadisələrin belə dönüşünün qaçılmaz olmaması mümkündür. Fəqət emosiyalarınıza nəzarət edin. Həyatınızı çətinləşdirən məqamlardan faydalanmağa səy göstərin.
Daim təxirə saldığınız işi başa vurun. Problemlərə nikbinliklə baxın, onların həlli üçün qeyri-adi yollar arayın. Yasaq və qadağalardan yan keçsəniz də, nəticəni düşünün.
Bu gün səhhətiniz və zahiri görkəminiz üçün düşərlidir.

Oğlaq - İşlər artacaq. Ailədə gərginliyin yaranması, yaxın ətrafınızdakı insanların tələbkarlığının və incikliyinin artması mümkündür. Bu şəxslər sizdən daha çox diqqət tələb edəcəklər. Ətrafınızdakı hadisələr bir qismi sizdən gizli qalan ssenari üzrə inkişaf edə bilər.
Bir müddət tənha qalın, fikir və istəklərinizə aydınlıq gətirin.
Daxili bitkinliyə nail olsanız, artan fiziki və psixoloji yorğunluğun öhdəsindən gələcəksiniz. Axşam saatlarında gərginlik, qəza və travma ehtimalı artacaq.

Dolça - Enerjili, mütəhərrik, aktiv olun, ideya və istəklərinizi reallaşdırmağa çalışın. Diqqətinizi ən mühüm işə yönəltmək çətin olsa da, bunu bacarın. Bir işdən digərinə keçməyin.
Diqqət dağınıqlığı qüvvələrin azalması, yorğunluq, məhsuldarlığın azalmasına səbəb ola bilər. Əlavə iş və ya çox çalışmaq təşəbbüsünüz olarsa, bütün bunlar yaxın gələcəkdə sizi problemlərlə üz-üzə qoya bilər.
Tələsməyin, bəzi məsələlərlə bağlı yaxşı fikirləşsəniz, yaxşı nəticələrə nail olacaqsınız. İş yerində və fikirlərinizdə qayda yaradın. Bu gün hələlik ideya səviyyəsində yeni işə təkan vermək olar. İdeya ilə bağlı tələsməyin, qoy hər şey yerbəyer olsun.

Balıqlar - Hadisələrin təbii axarı aktivliyinizi müəyyənləşdirməlidir. İstənilən iş üçün əlverişli gündür, şəraitdən maksimum dərəcədə istifadə edin. Mümkün çətinliklər və problemləri qismən də olsa, müyyənləşdirməyə çalışın.
Təhsil, informasiya axtarışı və ünsiyyətdə sizi maraqlı nüanslar gözləyir.
Həyatınıza spontan daxil olan hər şeylə maraqlanın. Prioritetlər tezliklə bəlli olacaq.
Hissiyatınıza etibar edin, yaxın ətrafınızda stress durumlara sərt reaksiya verməyin.
Sadəcə, kiməsə qulaq asaraq ona yardım edə bilərsiniz. Məsləhətləriniz də faydalı ola bilər. Axşam saatlarında özünüzü neqativ təsirdən qoruyun.

Milli.Az