Rusiyanın Kaspiysk şəhərində keçiriləcək Avropa çempionatı üçün sərbəst güləş üzrə Azərbaycan yığmasının heyəti açıqlanıb.
Qonşu ölkəyə Georgi Edişeraşvili (57 kq), Mircəlal Həsənzadə (61 kq), Hacı Əliyev (65 kq), Murtuzalı Müslimov (70 kq), Coşqun Əzimov (74 kq) Cəbrayıl Həsənov (79 kq), Aleksandr Qostiyev (86 kq), Şərif Şərifov (92 kq), Nurmaqomed Hacıyev (97 kq) və Camaləddin Məhəmmədov (125 kq) yollanacaq.
Eyni zamanda Azərbaycan Güləş Federasiyasının I vitse-prezidenti olan baş məşqçi Firdovsi Umudova məşqçi qismində Zəlimxan Hüseynovla Arif Abdullayev kömək edəcəklər.
Qeyd edək ki, sərbəst güləşçilərin mübarizəsi 4 - 6 mayda keçiriləcək. Hazırda Olimpiya Güləş Mərkəzində İtaliya millisi də Azərbaycan yığması ilə birgə toplanışdadır.
report.az