Qoç - ikinci dərəcəli, önəmli olmayan işlərə və boş söhbətlərə vaxt ayırmayın. Bu gün qarşınızda ciddi perspektivlər yaradır. Mühüm iş, görüş və danışıqları planlaşdırıbsınızsa, onlara yetərincə diqqət ayırın.
Əlavə gəlir vəd edən təklif ala bilərsiniz.

Alış-veriş, hədiyyə seçimi üçün yaxşı gündür. Fəqət xərclərinizə diqqət edin, onları nəzarətdə saxlayın.
Nağd pullar çox sürətlə azala bilər.

Buğa - ulduzlar bu gün sizə yaxşı şanslar verir, imkanlar yaradır. Ən müxtəlif istiqamətlər və işlərdə uğur imkanları yarana bilər. Ətalətli olmayın, tənbəllik etməyin. Görüş, zəng, yazışma münasibdir.

Ünsiyyət dairənizi genişləndirin, axına düşdüyünüzü hiss etsəniz, dayanmayın, fasilə etməyin.
Maliyyə problemlərinin həllini tapması və ya gələcəkdəki perspektivlərlə bağlı informasiyanın alınması mümkündür.

Təkliflərdən imtina etməyin. Alış-veriş sərfəlidir.
Axşam saatlarında istirahətinizi aktiv keçirin, tənha qalmayın.

Əkizlər - günün ilk yarısında hadisələrin axarında olmayın, həmin hadisələri qabaqlayın və problemlər yaranmamış, onların mənbəyini müəyyənləşdirərək tədbir görün. Yeni perspektivlər hiss etsəniz, aktiv olun, şansı və imkanı əldən verməyin.

Emosiyalar pik nöqtəsinə çatacaq. Yeni informasiya alacaq, ciddi söhbət məcburiyyəti ilə qarşılaşacaqsınız. Bundan sonra hansı istiqamətdə hərəkət etməklə bağlı seçim edə bilərsiniz.

Mühüm iş, görüş və danışıqlar nəzərdə tutulubsa, onlara mütləq diqqət ayırın.
Şəxsi həyatla bağlı məsələləri həll etmək vaxtıdır. Axşam saatlarını dostlarla keçirin.
Yazışma maraqlı, cazibədar olacaq.

Xərçəng - əsla gözləmədiyiniz, hətta sizi heyrətləndirəcək hadisə baş verə bilər. Danışıqlar və görüş aktualdırsa, onu təxirə salmayın. İş yoldaşı, tərəfdaş və ya eyni işi gördüyünüz insanla yalnız cari məsələləri müzakirə etməyin.

Kimə və nə zaman nə vəd etdiyinizi xatırlayın.
Bu gün sizə yardım üçün yardım edənlərə kömək edin. Yardım həm yüngül olacaq, sizdə məmnunluq hissi yaradacaq.

Axşam saatlarında mütləq açıq havada bir qədər vaxt keçirin, səhhətinizə fikir verin.

Şəxsi münasibətlərdə uğur imkanları və şansları var.
Yaxın bildiyiniz insanın diqqətini cəlb etməyə çalışın.

Şir - gözlənilməz və həyəcanlı hadisələr yaşana bilər. Bu gün peyda olan ideyalar axını, fikirlər kütləsindən yeni fikir yarana bilər. Daha sərfəli, maraqlı və perspektivli məsələni seçərək onu reallaşdırmağın üsullarını fikirləşin. İş qrafikinizi sıxlaşdırın, bir mövzunun çərçivəsində qalmayın, hadisələrin ritminə riayət edin. Həmin ritmin qəflətən dəyişməsi mümkündür.

Maraqlarınızın sizi çağırdığı məkana yollanın. Gərəkli insanlarla ünsiyyətdə olun, onlardan yeni nə isə öyrənməyə səy göstərin.
Uzaqdan mühüm xəbər ala bilərsiniz.

Şəxsi münasibətilərdə aktiv olun, təşəbbüslərlə çıxış edin.

Qız - bu gün bir çox situasiyalar yeni ruh, təkan və hərəkat forması alacaq. Merkuri, Günəş və Yupiterin harmonik münasibətləri imkanlarınızı artıracaq. Ulduzlar sizin üçün yeni imkanlar yaradır. Seçim edə bilərsiniz, yeni variantlar var.

Hansı məsələnin və istiqamətin daha önəmli olduğunu müəyyənləşdirin. Perspektiv yönü dəqiqləşdirəndən sonra sizə ən sərfəli məqamı təhlil edin.

Daha nüfuzlu, sərfəli və xeyirli mövqe tutmaq, yeni müstəvidə möhkəmlənmək üçün aktiv olun.
Axşam saatlarında etiraf və təklif ola bilər.

Tərəzi - işlərdə və ya münasibətlərdə mühüm dəyişikliklərə səbəb ola biləcək spontan situasiyalar yarana bilər. Yenilikliklərə hazır olun: çətin olsa da, buna cəhd göstərin. Qərarları tez qəbul edin.

Çoxlu yeni, faydalı məlumatlar ala bilərsiniz. İnformasiyalardan sonra isə yeni ideyalar olacaq. Ehtimal və gümanlarınızı təsdiqləyəcək hadisələrdən yan keçməyin.

Şəxsi həyatda emosiya, hiss və fantaziya "partlayışı" olacaq. Bu isə münasibətlərin xeyrinə olacaq.

Əqrəb - yalnız özünüzə yox, bu və digər formada sizə faydalı ola biləcək insanlara bel bağlasanız, maliyyə durumunuz əhəmiyyətli dərəcədə yaxşılaşa bilər. Fəaliyyətinizin hansısa yönündə dalanla qarşılaşsanız, ruhdan düşməyin. Məhz indi yeni perspektivlər yaranır.

Romantik münasiətlərdə ciddi heç nə olmayacaq.
Hərəkət, fiziki təmrinlər faydalıdır. Özünüzü yormayın.
Sevdiyiniz, bir-birinizi yaxşı anladığınız insanla ünsiyyət düşərlidir.

Oxatan - tərəfdaş münasibətlərində, iş yerindəki durumda yeniliklərin təşəbbüskarı olun. Fəqət, tərəfdaşınız da sizi dəstəkləməlidir.

Yeni layihələr var. Amma onlar hələ müzakirə və imkanların saf-çürük edilməsi mərhələsindədir.
İnformasiya axtarışı, yazışma üçün əlverişli vaxtdır.
Səfərə ehtiyac yarana bilər.

Enerji və təşəbbüskarlığınız yüksək səviyyədədir.
Günün ilk yarısında mümkün qədər çox iş görməyə çalışın, ikinci yarıda isə bir qədər dincəlin.

Həyatınızda rahatlığı artıracaq layihəni düşünün, onu reallaşdırmağın yollarını arayın.
Uzun vaxtdan bəri düşündüyünüz plan həyata keçə bilər.

Oğlaq - yaşanan situasiyada doğru istiqaməti mümkün qədər tez müəyyənləşdirin. Perspektiv vəd edən hər şeyi əldə etmək üçün fəaliyyətinizi rəngarəng, çeşidli və fərqli edin.
Ən kiçik şansdan da yararlanın, çətin məsələləri həll etməkdən qorxmayın. Çoxdan bəri narazılığınıza səbəb olan problemi həll edin.

Üstəlik, anlamaq gərəkdir ki, işlərinizdə kimsəyə bel bağlamayın, kimsəyə ümid olmayın. Qonşunun şamına ümid olanın nə ilə qarşılaşdığını xatırlayın.

Axşam saatlarında alış-veriş edə bilərsiniz. Ailədə müzakirə və məsləhət dönəmi ola bilər. Yaxın ayla bağlı planları müzakirə edin.

İstirahəti də ailə ilə birlikdə edin.

Dolça - bu gün ayın ən mühüm günlərindən biridir. Qətiyyətli addım atın, görüş və ya qərarı təxirə salmayın. Gələcəkdə maliyyə imkanlarınızı artıracaq, ya da pul probleminizi həll edə biləcək məsələlərin həllini, görüləcək işi təxirə salmayın.

Danışıqlar və yazışmalar aparmaq, sənədləşdirmə ilə məşğul olmaq, müzakirələrə varmaq və qərar qəbul etmək, habelə sifariş qəbul etmək və ya sifariş vermək üçün sərfəli vaxtdır.

Uğur qarşılıqlı maraq kəsb edən tərəfdaş münasibətləri yaratmaq, öhdəliklər, tapşırıqlar və işi bölüşdürmək bacarığından asılıdır.
Axşam saatlarını şəxsi ehtiyaclarınız, istək və maraqlarınızın təminatına ayırın.

Şəxsi münasibətlərdə sevdiyiniz adamı təəccübləndirin, gözlənilməz hədiyyə edin.

Balıqlar - çox mühüm gündür. Əsas məsələ fikri və diqqəti cəmləmək, əsas qüvvələri maksimal uğur qazana biləcəyiniz istiqamətə yönəltmək və sizə yardım edə biləcək insanları müəyyənləşdirməkdir.

Tərəfdaş, iş yoldaşları ilə münasibətləri səmimi edin. Sizi narahat edən məsələlərdə dəstək ala bilərsiniz.

Merkuri, Pluton, Ay və Yupiter arasında rəvan, harmonik konfiqurasiya yaranacaq. Dəyişikliklərin impulsuna həssas olun, hadisələrin nəbzini tutun, həyatınıza daxil olan məqamlara sədlər yaratmayın.

Bütün bunlar planlarınızı alt-üst etsə də, ifrat mühafizəkar olmayın.
Alış-veriş zamanı sizə gərək olan əşyaları alın, zahiri görkəminizlə məşğul olun.
Kompüter və ofis texnikası, rabitə vasitəsi almaq üçün əla vaxtdır.

Milli.Az