Yanvarın 28-də “Park İnn” mehmanxanasında Azərbaycan Gənclərinin Avropaya İnteqrasiyası Təşkilatı (AGAT) təşkilatçılığı və Gənclər və İdman Nazirliyinin dəstəyi ilə “Gənclərin avrointeqrasiya modeli” mövzusunda forum öz işinə başlamışdır.
Tədbirdə Milli Məclisin deputatları, gənclər təşkilatlarının rəhbərləri, ölkəmizdəki diplomatik korpusun nümayəndələri iştirak etmişlər.
Forumun məqsədi avrointeqrasiya prosesində gənclərin rolunu, Azərbaycanın beynəlxalq nüfuzunun daha da möhkəmlənməsində avrointeqrasiyanın əhəmiyyətini diqqətə çatdırmaqdır.
Toplantıda ölkəmizdə həyata keçirilən dövlət gənclər siyasəti, Azərbaycan-NATO əlaqələri, Azərbaycanın Avroatlantik məkanda inkişaf perspektivləri və s. mövzularda çıxışlar olacaqdır.
AzərTAc