Əsas məqsədi ingilis dilində təhsil almış yüksək ixtisaslı mühəndis kadrlar hazırlamaq olan Bakı Ali Neft Məktəbi (BANM) Azərbaycan təhsili tarixində rekordu yeniləyib.
Ali Məktəbin İctimaiyyətlə əlaqələr şöbəsindən verilən məlumata görə, Dövlət İmtahan Mərkəzi (DİM) tərəfindən I ixtisas qrupu üzrə keçirilən qəbul imtahanlarının hər iki mərhələsi üzrə ümumi 13 nəfər 700 bal toplayıb və onların hamısı BANM-ı seçib.
700 bal toplamış abituriyentin hər biri artıq Ali Məktəbdə qeydiyyatdan keçiblər. Onların BANM-dakı ixtisas seçimi aşağıdakı kimi olub:
1. Xəyal Fərzəliyev - İnformasiya təhlükəsizliyi
2. Elgün Zamanlı - İnformasiya təhlükəsizliyi
3. Əsra Bayramova - İnformasiya təhlükəsizliyi
4. Şəkər Qədirli - İnformasiya təhlükəsizliyi
5. Aslan Aşirov - İnformasiya təhlükəsizliyi
6. Tapdıq Məhərrəmli - İnformasiya təhlükəsizliyi
7. Vasif Əsədov - Proseslərin avtomatlaşdırılması mühəndisliyi
8. Kənan Məhəmmədli - Proseslərin avtomatlaşdırılması mühəndisliyi
9. Azər Zeynallı - Proseslərin avtomatlaşdırılması mühəndisliyi
10. Sona Mehdizadə - Proseslərin avtomatlaşdırılması mühəndisliyi
11. İlqar Məmmədov - Proseslərin avtomatlaşdırılması mühəndisliyi
12. Anar Abıyev - Proseslərin avtomatlaşdırılması mühəndisliyi
13. Rüstəm Qarayev - Proseslərin avtomatlaşdırılması mühəndisliyi
Qeyd edək ki, ötən il də I qrup üzrə 7 nəfər 700 ballı abituriyentin hamısı BANM-ı seçmişdi. Bu zamana qədər BANM-dan başqa Azərbaycanın heç bir universiteti bu göstəricini reallaşdıra bilməyib.
Bu il bütün ixtisas qrupları üzrə 700 bal toplamış abituriyentlərin seçdikləri ali məktəblərin statistikası isə belədir:
№ Ali Məktəbin adı abituriyentin sayı (nəfər)
1 Bakı Ali Neft Məktəbi 13
2 Azərbaycan Tibb Universiteti 5
3 ADA Universiteti 5
4 Bakı Dövlət Universiteti 3
5 Dövlət İdarəçilik Akademiyası 2
6 Azərbaycan Dövlət İqtisad Universiteti 1
report.az