Qoç - yaradıcı, aktiv insanlar üçün maraqlı gündür. Hiss və həyacan çox olacaq.

Emosional sınaqlar vaxtıdır. Oyun qaydalarını indi siz diqtə edirsiniz. Lakin yaxın ətrafınızdakı insanlar tərəfindən doğru anlaşılmanıza səy göstərin. Dəyər verdiyiniz insanların yolunu keçməyin. Çətin vəziyyətdə olan və yardım istəyən insana kömək edin.

İşlərinizdə qayda, intizam yaradın, daxili harmoniyaya nail olun.
Ailə üzvlərinizi qayğılandıran, onları narahat edən məsələlərə diqqət yetirin.
Açıq danışın, ümumi məqsəd və maraqları aşkarlamağa çalışın.

Buğa - gərgin, dinamik, aktiv gündür. İndi bir çox situasiyalar aktiv şəkildə dəyişir. İstək və ya tələbat varsa, təşəbbüskar olun.

Şəxsi münasibətlərdə müəyyənləşməyə, təfərrüatların konkretləşdirilərək dəqiqləşdirilməsinə çalışın. Köhnə problemləri yada salaraq qarşılıqlı ittihamlar və umu-küsüyə səbəbkar olmayın.
Həddən artıq sentimental davranmayın, uğura aqressiv şəkildə can atmayın.
Hissiyatınız sizə doğru yolu göstərəcək.

Borcu qaytarın, nasaz və gərəksiz əşyalardan qurtulun. Evdə səliqə, qayda yaradın.

Əkizlər - əhvalın dəyişməsi, yaxınlarınızla münaqişə və arzulanan nəsnənin əldə olunmasında səbirsizlik mümkündür. Bu gün informasiya çox olacaq. Qüvvənizi boş işlərə xərcləməyin və əsas məqsədə doğru qətiyyətlə irəliləyərək işi görün.

Uzunmüddətli situasiya indi formalaşmağa başladığından işləyən nəsnələri gücləndirin, amma yaxın ətrafla dramatik münasibətlərə səbəb olmayın.

Mühüm saydığınız məlumatı nəzarət altında saxlayın.
Dostlar önəmlidir, amma onlara qarşı sizin iddialarınız var. Dost xətrinə dəyməmək üçün ehtiyatlı olun.

Xərçəng - diqqətli, sayıq, zərbəyə hazır vəziyyətdə olun. Yaxın ətrafınızdakı insanların davranış motivlərini anlamağa çalışın. İş yoldaşları ilə münasibətlərdə çıxış yolunun aranmasına ehtiyac duyulan situasiya yarana bilər.

Səbəb mövzu ilə bağlı olmaya da bilər, mümkündür. Amma nəticədə araşdırma, münasibətlərin aydınlaşdırılması, günahkarlar axtarışı istisna deyil.

Axşam saatlarına qədər səbr edin. Ətrafınızla münasibətləri rahat və əlverişli məcrada saxlamaq şərtilə ilə fayda və mənfəətinizi qorumağa çalışın.

Hesabları ödəyin, ailə üçün xoş işi görün.
Bir qədər dincəlin.

Şir - emosiya və istəkləriniz ən yüksək həddə çatacaq. Məntiq və zərurət çərçivəsində fəaliyyət göstərin, işlərinizi planlaşdırın. Tələskən qərarlar və açıqlamalar işə zərər vurmaqla yanaşı, iş yoldaşı və ya tərəfdaşınızla münasibətlərə də sərinlik gətirə bilər. Ambisiyalarınızı cilovlayın, hövsələsiz olmayın, neytral məsələlərlə məşğul olun.

Bu gün əsas məsələ tələblərdə ifrata varmamaq və şəxsi münasibətlərdə vəziyyəti dramatikləşdirməməkdir. Alış-verişdə bədxərclik etməyin.
Səhhətinizə daha çox fikir verin.

Qız - təmkinli və səbrli olmaq çox mühümdür. Sizi münaqişəyə cəlb etmək üçün səy göstərən insan var. Oyun qaydaları və qarşılıqlı münasibətlərin sxemləri dəyişir. İlk növbədə, öz maraqlarınızı nəzərə alın.

Şəxsi münasibətlərdə həddən artıq tələbkar və inadkar olmayın. Gün ərzində yaşanan problemləri faciəyə çevirməyin, gələcəyə baxın.

Yaradıcılıq potensialınızı nümayiş edə biləcəyiniz işlərlə məşğul olun.
Səhhətlə bağlı problem yarana bilər. Virus və ya infeksiya riski böyükdür.

Tərəzi - emosiyalar pik nöqtəsinə çatıb. Gün parlaq, maraqlı, dinamik, çoxsaylı görüşlər, xəbərlər, zənglərlə müşaiyət olunan bir dövrdür.

Gördükləriniz əsasında yox, əqlinizə görə qərar verin. Əqllə müqayisədə gözlər daha üstün olardısa, qartal ən müdrik varlığa çevrilərdi.

Ambisiyalarınızı qidalandıran işlə məşğul olun. Fikirləri reallaşdırın, səd və maneələri dəf edin. Hazırlaşın, bütün bunlar asan olmayacaq.

Etiraf və izahatlarla tələsməyin. Şəxsi həyatda hər şey dəyişə bilər. Hadisələri tələsdirməyin.

Əqrəb - Saturn, Venera və Plutonun enerjisi əlaqələrin çətin sxemlərini hərəkətə gətirir. ulduzlar bu gün sizə əlavə imkanlar yaradır. Bir neçə yeni variant peyda olur.

İndi hansı mövzunun və ya məsələnin daha önəmli olduğunu müəyyənləşdirin.
Situasiyanı xeyrinizə dəyişə biləcəyiniz məqamla müstəvini seçin.

Ötənlərdəki hadisələrin nişanələri peyda olarsa, buraxmayın. Daxili gərginliyin səviyyəsini aşağı salmaq, müəyyənliyə nail olmaq, suallara cavab almaq imkanları var.

Şəxsi münasibətlərdə qarşılıqlı iddialar, umu-küsü peyda ola bilər. Çətindir, amma kompromis tapmaq olar. Sonradan hər şeyi təkrarlamamaq üçün etdiyiniz əməllərə yenidən qayıtmayın.

Oxatan - bu gün bütün işlərdə nizama riayət edin, gərginliyin hiss olunduğu yerlərdə situasiyanı mürəkkəbləşdirməyin. Amma faydalı informasiya axınlarının da qarşısını almayın.
Danışıqlar aparın, bütün ideya və təkliflərə diqqətlə yanaşın.

İş yoldaşları və tərəfdaşlar, habelə dost və ya rəfiqə ilə münasibətdə böhran yarana bilər. Qayığı ləngər vurmağa vadar etməyin, rəqibləri müttəfiqə çevirməyin yollarını arayın.

Şəxsi münasibətlərdə də gərginlik hiss olunur, hər kəs özünü tam haqlı hesab edir.
Emosiyaları boğmayın, hiss və istəklərinizdə səmimi olun.
Daxili aydınlığa və zahiri dəstəyə nail olun.

Oğlaq - özünüzü tapmaq üçün özünüzü dəyişmək gərəkdir. İş və ailə ilə bağlı ciddi məsələlərə vaxt ayırın. İş yoldaşlarınızın mövqelərini nəzərə alın, ümumi fəaliyyəti onlarla razılaşdırın.

Həyatınızda və münasibətlərdə nə isə çətinləşə bilər. Təlaşa düşməyin, aramla nəfəs alın və maneəni aradan qaldıraraq yandırılmış körpüləri bərpa etməyə başlayın.

İndi eşitdiyiniz xoşagəlməz məsələlər yaxın insanın özündən bədgüman olması, izafi ehtiyatı ilə bağlıdır. Sizə qarşı təxribatları cavabsız qoyaraq enerjinizdən daha səmərəli istifadə etsəniz, mövqeyiniz daha güclü olar.

Dolça - cəsarətli olun, Allahdan başqa kimsədən qorxmayın və çəkinməyin. İşdə və ya başqa bir məkanda kimlərsə sizi tədhid edə bilər. Bilin ki, Fermopil döyüşündə parsların oxlarından səma görünməyəndə Sparta çarı Leonid demişdi: "Lap yaxşı, deməli, kölgədə vuruşacağıq".

Zülmün, şərin qarşısında duran spartalı olduğunuzu düşünün. Ay və Merkuri ulduzları sizə himayəyə vadar edir. Ayın bütün mühüm işləri inkişafın pik nöqtəsinə çatıb. Yığılan materialla işləmək, onu planlarınıza uyğun şəkildə qaydaya salmaq olar. Çətinliklə qarşılaşsanız, etibar etdiyiniz insana yardım üçün müraciət edin. Bütün yükü təkbaşına çəkmək rasional deyil.

Şəxsi münasibətləri ifrat dərəcədə drammatikləşdirməyin. Kəskin diskussiya, ailədə münaqişə və ya işdə həmkarlarla anlaşılmazlıq ola bilər. Aşkarlıq xeyirlidir, amma daxili balansı qoruyun. İstənilən döngə yoldan çıxara bilər.

Balıqlar - rəqiblərdən kimsə sizi haqlamaq və üstələmək istəyir. İmkan və bacarıqlarınızı sakitcə artırın, aktivliyin yeni mərhələsinə hazır olun. İmiciniz də yenilənmə tələb edir. Hələlik əhvalınızı korlamayacaq tədbirlərlə kifayətlənin.

Yaxın ətrafınızdakı insanlara mövqeyinizi sakit şəkildə çatdırın.
Amma onlara öz mövqeyinizi təkid, israrla qəbul etdirməyə, başqalarını da sizin kimi açıq danışmağa çalışmayın.

Ola bilər ki, həyatınızda yeni mərhələ başlasın. Spontan qərarlar verməyin, düşünülməmiş addımlar atmayın.

Ən önəmli anlarda hissiyatınıza güvənin. Hansısa şəxs qanunu pozaraq sizdən rüşvət tələb edirsə, verməyin. Haqqınızı tələb edin, sonadək gedin.

Milli.Az