Vanda baş vermiş zəlzələdən dərhal sonra Azərbaycandan axtarış-xilasetmə
dəstəsi və digər yardımlar göndərilməsi ilə bağlı türkiyə vətəndaşları
Azərbaycan prezidenti İlham Əliyevə təşəkkür məktubları yazıblar.
Ankara şəhərindən Hakan Şən yazır: “Azərbaycan dövlətinin Türkiyəyə -
zəlzələ bölgəsinə dərhal kömək göndərməsi bu iki ölkənin qardaş olduğunu
bir daha təsdiq etdi. Türkiyənin arxasında hər zaman belə bir qardaş
ölkənin durduğunu bilmək qürur doğurur. Bu, bütün millətlərinin bu
qardaşlığı dərk etməsinə də böyük təsir göstərib, heç bir iki dövlətin
bizim kimi bir dövlət ola bilməyəcəyini bir daha sübut edib. Türkiyə
vətəndaşlarına göstərdiyiniz köməyə görə zəlzələdən zərər çəkənlər,
ölkəm, onun vətəndaşları və şəxsən öz adımdan təşəkkürlərimi
bildirirəm”.
Konya şəhərindən Fikrət Dönə isə yazır: “Çox hörmətli Cümhurbaşkanım,
ölkəmizin Van şəhərində baş vermiş zəlzələdən zərər çəkənlərə
göstərdiyiniz həssas münasibətə və yardımlara görə Sizə və qardaş ölkəm
Azərbaycana sonsuz təşəkkürlərimi bildirirəm”.
Qeyd edək ki, bu oktyabrın 23-də Vanda 7,2 bal gücündə zəlzələ baş verib.
Zəlzələ bölgəsində aparılan xilasetmə əməliyyatlarında Azərbaycan FHN-in
213 xilasedicisi və kineloji xidmətinin itləri iştirak edib.