Əfsanəvi aktyor Robert de Nironun adı Hollivudun Şöhrət Xiyabanında əbədiləşdirilib. Özü də sözün əsl mənasında. Çünki indi Şöhrət Xiyabanında aktyorun təkcə ulduzu deyil, həm də əl və ayaq izləri var.
69 yaşlı aktyor xiyabana öz əl və ayaq izlərini qoyarkən həyat yoldaşı Qreys Haytauer, yaxın dostları Billi Kristal və Devid O-Rassel onu tək qoymayıblar. Robert de Niro bu əlamətdar hadisəyə yumor hissi ilə yanaşıb.
Qeyd edək ki, Robert de Niro 40 illik karyerası ərzində onlarla filmdə çəkilib və bu filmlərin əksəriyyəti dünya kinosu klassikasına çevrilib. Bunlardan “Xaç atası”, “Taksi sürücüsü”, “Bir dəfə Amerikada” filmlərini misal göstərmək olar. Tanınmış aktyor 2 dəfə “Oskar”, 2 dəfə “Qızıl Qlobus” mükafatı alıb.
ANS TV