Ekologiya və Təbii Sərvətlər Nazirliyinin (ETSN) Milli
Hidrometeorologiya Departamentinin Hidrometeoroloji Proqnozlar Bürosunun
verdiyi məlumata görə, Bakı və Abşeron yarımadasında noyabrın 15-də
hava buludlu, yarımadanın bəzi yerlərində az yağıntılı olacaq, gündüz
dəyişkən buludlu, əsasən yağmursuz keçəcək. Havanın temperaturunun gecə
2-4 dərəcə, gündüz 7-10 dərəcə isti olacağı gözlənilir.
Azərbaycanın rayonlarında bəzi yerlərdə yağıntılı olacağı, gündüz əsasən
yağmursuz keçəcəyi gözlənilir. Havanın temperaturu gecə 1 dərəcə
şaxtadan 4 dərəcəyədək isti, gündüz 7-12 dərəcə isti, dağlarda gecə 5-10
dərəcə şaxta, gündüz 1-6 dərəcə isti olacağı gözlənilir. Yüksək dağlıq
ərazilərdə havanın minimal temperaturu 18-23 dərəcə şaxta təşkil edəcək.