ABŞ-ın Massaçuset ştatının Beverli şəhərinin sakini Fred Batler orta məktəbi 106 yaşında başa çatdırmışdır. Attestat ona təntənəli mərasimdə təqdim olunmuşdur.
Mərasimdə şəhər meri və digər rəsmi şəxslər iştirak etmişlər.
Fred Batler 9-cu sinifdə oxuyarkən məktəbi tərk edərək işləmək məcburiyyətində qalmışdır. O, İkinci Dünya müharibəsində orduda xidmət etmiş, sonradan su təchizatı idarəsində çalışmışdır.
Bu illər ərzində məktəbi bitirmədiyinə görə heyfsilənən Fred Batler nəvələrinə yaxşı oxumağı məsləhət görmüşdür. Nəvələri hər dəfə yaxşı qiymət alanda onlara 5 dollar vermişdir.
AzərTac