22 noyabr Bakıda Muzey Mərkəzinin sərgi salonunda 18:00-da "İncəsənət
tariximizin pillələri" sərgisinin açılışı olacaq. Sərgidə 1940-1980-ci
illərdə yaradılmış, xalqımızın yaşadığı tarixi dövrün xüsusiyyətlərini
özünəməxsus şəkildə nümayiş etdirən və sənət tariximizdə özünəməxsus yer
tutan nadir sənət inciləri nümayiş etdiriləcək. Sərgi Mədəniyyət və
Turizm Nazirliyinin təşkilati dəstəyi ilə keçirilir və 28 noyabra qədər
davam edəcək.