Heydər Əliyev Fondunun təşkil etdiyi Qəbələ III Beynəlxalq Musiqi Festivalı çərçivəsində “Yeni Rusiya” Dövlət Simfonik Orkestrinin konserti olmuşdur.
Avqustun 1-də “Qafqaz Resorte” hotelinin qarşısında açıq səma altında
keçirilən dünya şöhrətli dirijor Yuri Başmetin rəhbərlik etdiyi “Yeni Rusiya”
Dövlət Simfonik Orkesrtinin konsertində bəstəkar F.Mendelsonun “İtalyan
simfoniyası”, eləcə də violin və orkestr üçün konserti, Y.Massnenin “Verter”
operasından Verterin ariyası, V.A.Motsartın “Fiqaronun toyu” operasından
Fiqaronun ariyası, C.Puççininin “Bohema” operasından Rudolf və Marselin dueti
səsləndirilmişdir.
Orkestrin çıxışı italiyalı Klaudio Vandellinin dirijorluğu ilə baş tutmuşdur.
Orkestr solo ifadan əlavə, Litva Kamera Orkestrinin direktoru Sergey Krılovı
(violin), İtaliyanın R.Tebaldi və M.Monako adına Opera İncəsənəti Beynəlxalq
Akademiyasının tələbəsi Cavid Səmədovı (bariton), İtaliyanın Ozimo Musiqi
Akademiyasında təhsil alan tenor ifaçısı Azər Rzazadəni də müşayiət etmişdir. Çıxışlar tamaşaçılar tərəfindən
maraqla qarşılanmışdır.