Qoç - yeni işlərə başlamayın, hazırda məşğul olduğunuz işləri başa vurmağa çalışın. Yaxın ətrafınızdakı insanlarla ünsiyyət xoş olacaq. Faydalı informasiya və ya xidmət mübadiləsi istisna deyil.

Cari məsələləri qarşılıqlı tanışlıq və rəğbət müstəvisində həll etmək, vaxtında yetişən yardımdan faydalanmaq olar.

Yaradıcılıq, mühazirələr, təqdimat, fərdi iş üçün əlverişli gündür. Həyatınızda yaşanan hadisələr yeni, maraqlı mərhələyə keçir. Həmin olaylara təsir etmək asan olmasa da, xeyrinizə olan situasiyalardan faydalanın.

Şans yaranarsa, istifadə edin. Amma mühüm sənədlər, anlaşmalar və ya öhdəlik imzalamaq hələ tezdir.
Situasiya ilə yanaşı, bu duruma münasibətinizin dəyişməsinə də fikir verin.

Buğa - həyəcanlı gündür. Bir sıra gərgin məqamlar sizinlə yanaşı, dost və ya qohumlarınıza da təsir edir.
Yaxın bildiyiniz insanlar harada nəyi dərhal dəyişməyi, güzəşt ediləsi məqamı, qurban veriləsi marağı və ya məsuliyyətlə əlavə işi nə zaman öhdənizə götürmək gərəkdiyini deyəcəklər.

Məhz belə həlledici anlarda köhnəlmiş dəyərlər, gözləntilər, ümidlərdən qurtulmaq, yeni işə və ya layihəyə başlamaq gərəkdir. Fəqət kəmhövsələlik etməyin, tələsməyin, var qüvvənizlə çalışmayın.

Səhhətinizə və xüsusilə də qan təzyiqinə fikir verin.
Orqanizm hansısa problemdən xəbər verirsə, dincəlin, istirahət edin, açıq havada gəzişin.

Əkizlər - enerji və istəyiniz çoxdur. Fəaliyyət göstərmək istəyirsiniz. Ancaq tələsməyin, hər şey öz axarında yaşanacaq. Ehtiyac duyulduğunuz yerə əməl və məsləhətlə vaxtında çatın.

Həmfikir və ya ümumi işinizin olduğu insanların varlığı çox yaxşıdır. Qrupda asanlıqla işləyirsiniz. İşgüzar münasibətlərə romantik hisslərin qarşımasına imkan verməyin. Perspektivlər barədə danışmaq, xoş təəssürat yaratmaq, işinizi tanıtmaq, bilik, bacarıq və ya imkanlarınızdan bəhs etmək üçün əlverişli gündür.

Emosiyalarla hisslər rəvan olmayacaq. Sevdiyiniz insanla və yaxın bildiyiniz insanlarla münasibətlərinizi qoruyun.

Xərçəng - qəfil hisslər, həyəcanların emanasiyası günüdür. Formalaşmış və stabilləşmiş hisslərdə mühüm dəyişikliklər baş verə bilər.

Bununla yanaşı, köhnə səhvi təkrarlamaq şansı da var. Ruhdan düşməyin, pərişan olmayın, aktiv və enerjili olun. Belə olarsa, çoxdan bəri planlaşdırdığınız işi başa vura bilərsiniz.
Borc və ya kredit almaq, borcları qaytarmaq, işgüzar və şəxsi münasibətlərdə yarımçıq məqamları bütünləşdirmək zamanıdır.

Rəqibləri üstələmək və geridə qoymaq üçün gərəksiz nəsnələrdən imtina edərək ən mühüm məqamı seçin. Bədxərclik etməyin. Xoşunuza gələn əşyanı alaraq sevdiyiniz adama hədiyyə edə bilərsiniz.

Demək və ya etmək istədiyiniz nə isə varsa, təxirə salmayın. İndi belə addım atmaq sizin üçün çətin deyil.

Şir - yaradıcılıq, ünsiyyət, səfər, ezamiyyət üçün ən yaxşı günlərdən biridir. Aktiv mövqeyinizi nümayiş etdirin. Uzaqdakı insanla münasibətləriniz varsa, indi çətin və qaçılmaz sınaq zamanıdır. Pərişanlıq, təəssüf hissi istisna deyil.

Planlara yenidən baxaraq gərəksiz və utopiya təsiri bağışlayan istəklərdən əl çəkmək zamanıdır. Emosional gərginlik düşünüləndən də uzun çəkə bilər. Buna görə də emosiyaları sakitləşdirməyin optimal yolunu düşünün.

Alış-veriş etmək olar. Amma geyim, mobil telefon, ayaqqabı əvəzinə evdə faydalı ola biləcək əşya alın.

Qız - son hadisələr və alınan xəbərlərdən yararlanaraq perspektivləri düşünün, prioritetləri dəqiqləşdirin. Ünsiyyəti minimuma endirin, sakit və məhsuldar işlə təhlil üçün şərait yaradın.

Qayda, nizam yaradılması, cari işlərin görülməsi də mövcud situasiyanın anlaşılması ilə düzgün seçimə dəstək olacaq.

Tibbi diaqnostika, profilaktiki tədbirlərin başlanması, pəhriz seçimi üçün münasib gündür. Şəxsi münasibətlərdə qayğı, yardım, diqqətin maddi nişanələri, faydalı hədiyyələr xüsusi dəyər kəsb edəcək.

Tərəzi - yüksək enerjili gündür. İşin həcmini və miqyasını artırın. Praktik davranın, yersiz təşəbbüs və cəhdlər etməyin.

Düşünülməmiş, vaxtından əvvəl addımlar atmayın. Sizdən başqa kimsəyə dəxli olmayan işləri sirr saxlayın. Emosional mühitdə səslənən vədlərə inanmayın. Yalınz öz qüvvənizə və istedadınıza inanın.

Çoxdan bəri can atdığınız işə başlamaq, yeni maraq tapmaq şansı var. Güzəşt, itki, nədənsə əl çəkmək ehtiyacı yarana bilər.

Yaşam qarşınızda elə şərtlər qoyursa, deməli, yarımçıq işləri başa vurmaq və perspektivdə daha çox azadlıq əldə etmək gərəkdir.

Əqrəb - yaşam qarşınızda nə qədər çətin sədlər yaradarsa, fəaliyyətiniz bir qədər məhsuldar və effektiv olacaq. Kreativ olun, amma iki nəfərin əvəzinə çalışmayın. İzafi yük və iş səhhətinizə mənfi təsir edə bilər.

İş arasında fasilə verərək istirahət edin.
Yaradıcılıq, dostlarla ünsiyyət, görüş və səfər üçün əlverişli gündür. Məsrəflər məntiqli, faydalı olmalıdır.

Maraqlandığınız iş, təmir və ya çalışdığınız sahədə irəliləmək üçün materiallarla avadanlıq almaq olar.

Şəxsi münasibətlər üçün uğurlu gündür. Bir şərtlə ki, xırdalıqlara diqqət yetirin, sevdiyiniz insana laqeyd qalmayın, soyuqqanlı davranmayın.

Oxatan - uğur və bacarıqlarınızla qürrələnərək rəqibin inkişafını gözdən qaçırmayın. Münasibətlərə yeni məna verin, tərəfdaşla planları müzakirə edin, yeni işin miqyasını dəqiqləşdirin. Bu gün sizə və əməyinizə təlabat var.

Maraqlı təklif ala bilərsiniz. Dərhal cavab verməyin, düşünün. Şəxsi münasibətlərdə sayıq olun.
Günün ikinci yarısında zahiri görünüşünüzə fikir verin, nikbin görünün.

Faydalı və gəlirli iş tapsanız, bu barədə tərəfdaşınıza, şərikinizə xəbər verin. Çalışdığınız insanın kimliyi və hansı əlavə imkanlar aramağınızdan uğurun yarısı asılıdır.

Sürətli olun, ətalətli davranmayın. Aktivlik uğurun ikinci yarısıdır. Şanslı gündür, iş və qərarları təxirə salmayın.

Oğlaq - işlər əla alınır, hər şey yaxşıdır. Amma eyforiyaya qapılmayın, ehtiyatlı olun. Uğur və irəliləyiş gözləmədiyiniz məkanda, istiqamətdədir. Yalnız diaqnoz, dəyərləndirmələrə yol verməyin, tələsik qərarların müəllifi olmayın.

Ailəvi həllin optimal olduğu işə başlayın. Hadisələr və xəbərlər yaradıcılıq planlarınızı ləngidə bilər. Həmkarlarınız və ya tərəfdaşlarınız isə sizə əlavə iş tapşırmaq istəyəcək, hiss və həyəcan yükünü sizə vermək fikrinə düşəcəklər.

Şəxsi münasibətlərdə maraq və istəklərinizlə bağlı nə varsa, inadkar, qətiyyətli olun. Amma unutmayın ki, ünsiyyətdə olduğunuz insan da eyni davranış modelini seçə bilər.

Ümumi iş, məqsəd və ya plan sizə mümkünsüz təsir bağışlayan işi tamamlamağa, tərəfdaşlıq münasibətlərində yeni üfüqlərə, maraqlara səbəb olacaq.

Axşam saatlarında maraqlı təklif eşidəcəksiniz.

Dolça - ətrafınızda yaşanan olayları nəzərə alaraq ehtiyatlı olun. Hadisələrə vaxtında, təxirəsalınmaz, sürətli reaksiya verin.

Hisslər, emosiyalar, antipatiyanın qarşısını almaq çətindir. Onlar əhvalınıza təsir edəcək, stimul və məqsədləri müəyyənləşdirəcək.
Başqasının tələbi və ya göstərişi ilə yeni işə başlasanız da, bütün variantları diqqətlə düşünün. Həyat dəyişikliklər tələb edir, enerji yenilənir.

Yaşananları fatum qismində qəbul etməyin. Nə iləsə vidalaşmaq və unutmaq ehtiyacı yaranırsa, əvəzində cari mərhələdə daha maraqlı və dəyərli nəsnə əldə etmək olar.

Şərait imkan verirsə, günün ikinci yarısında yeni işə başlayın.

Balıqlar - malik olduğunuzu dəyərləndirin. Dönüş və can atmaq üçün məqsəd var. Ciddi, konstruktiv ideyaları inkişaf etdirməyə, reallaşdırmağa çalışın.

Əsas məsələ odur ki, geriyə qayıdışı düşünməyin, təəssüf və ya pərişanlığa səbəb ola biləcək addım atmayın.

Maddi maraqlar aktivləşsə də, kimdənsə asılılıqdan qurtulmaq ehtiyacı yaranacaq. Belə durumda soyuqqanlı qalmaq çətindir. Lakin məhz təmkinli davranmaq sizə radikal addımlar atmamağa imkan verəcək.

Uğurlarınızın bilavasitə asılı olduğu sahədə reallıq hissini itirməyin.
Axşam saatlarında dincəlin, səhhətinizin qeydinə qalın, açıq havada gəzintiyə çıxın.

Milli.Az