“Baku Creative Center” yaradıcılıq mərkəzinin Bakı qalereyalar festivalı layihəsi çərçivəsində aprelin 9-da “Art Villa” qalereyasında sərgi açılacaqdır.
“Baku Creative Center” yaradıcılıq mərkəzindən bildirilmişdir ki, “Hisslər” adlanan sərgi “Arts Council Azerbaijan” (“Azərbaycan İncəsənət Konsulluğu”) qeyri-hökumət təşkilatının layihəsidir.
“Arts Council Azerbaijan” qeyri-hökumət təşkilatının bu sərgini keçirməkdə əsas məqsədi gənc nəslin incəsənətə olan marağını daha da artırmaq, Azərbaycan rəssamlarını tanımaq və tanıtdırmaqdır.
Sərgi bir gün davam edəcəkdir.
AzərTAc