Almaniyanın Bremen şəhərindəki Lürssen Yachts şirkətinin tərsanəsində Azzam yaxtası istifadəyə verilib. Uzun müddətdən bəri inşa edilən Azzam dünyanın ən bahalı və böyük yaxtasıdır.
Bremen şəhərində təntənəli şəkildə suya salınmış yaxtanın uzunluğu 180 metrdir. O, dünənədək dünyanın ən uzun yaxtası sayılan Eclipse-dən 16,5 metr uzundur.
Eclipse yaxtası rusiyalı milyarder Roman Abramoviçə məxsusdur.
2 qaz turbini və 2 dizel mühərriki ilə təchiz edilmiş, 94 min at gücünə malik Azzam saatda 35 mil sürətlə hərəkət edir. Superyaxtanın interyer dizaynı məşhur fransız dizayner Kristofer Leoniyə məxsusdur. 12 mərtəbəli Azzam-ın dəyəri 620 milyon dollardır.
Yaxtanın sahibinin adı açıqlanmasa da, onun Səudiyyə Ərəbistanı şahzadəsi əl Valid bin Təlala məxsus olduğu deyilir.
Big.az