Bu gün kino aləminin ən mühüm hadisələrindən biri baş tutacaq. Ən nüfuzlu beynəlxalq film festivallarından olan Kann kinofestivalı öz işinə başlayır. 66-cı Kann kinofestivalı Kann kurort şəhərinin Festivallar Sarayında keçiriləcək. Məşhur aktyorların festivalda iştirakı ilə əlaqədar bütün dünyadan minlərlə pərəstişkar Kann şəhərinə axışıb.
Müsabiqə proqramında festivalın əsas mükafatı olan "Qızıl Palma Budağı" uğrunda mübarizə aparan 20 film nümayiş etdiriləcək. Festivalın favoriti tanınmış rejissor Bez Lurmanın Frensis Skot Fidceraldın eyniadlı romanı əsasında lentə alınmış və Hollivud ulduzu Leonardo Di Kaprionun baş rolda çəkildiyi "Dahi Qetsbi" filmi sayılır. Kann kinofestivalı da məhz bu filmlə açılacaq.
Bu il münsiflər heyətinə rejissor və prodüser Stiven Spilberq başçılıq edir. Münsiflər heyətində Nikol Kidman, Kristofer Valts, Daniel Otoy kimi məşhurlar da yer alıb.
66-cı Kann kinofestivalı 26-dək davam edəcək.
Big.az