Türkiyəli rəssam dünyanın yerdə çəkilmiş ən böyük rəsm əsərini yaradaraq “Ginnes”in Rekordlar Kitabına adlarını yazdırıblar. İstanbulda çəkilən rəsm əsəri 12 min kvadrat metr sahəni tutur. Bu, təxminən 2 futbol meydançası ölçüsündə rəsm deməkdir.
"Gənclik Karikaturası" adlanan bu rekordun təşkilatçısı və əsas icraçısı Akın Candemir adlı 25 yaşlı karikaturaçı-rəssamdır. Lakin o, bu işi təkbaşına görməyib. Layihədə 460 nəfər iştirak edib ki, onların da 260-ı könüllü tələbələr olub. 2,5 ton boya sərf edilən bu karikatura 104 saat 43 dəqiqəyə tamamlanıb.
Xəritəçəkmə mühəndisləri də Türkiyə İdman və Gənclər Nazirliyinin dəstəklədiyi bu layihədə iştirak edib və rəsm 5 günə hazır olub.
Qeyd edək ki, “Ginnes” Rekordlar Kitabına düşmüş nəhəng rəsm əsərini İstanbulun 2020-ci il Olimpiya Oyunlarına ev sahibliyi etmək təklifi ilə bağlı çarxda da görmək mümkün olacaq.
publika.az