Qoç - Hansısa nəzərəçarpan nailiyyətlərlə yadda qalmasa da, pis gün deyil. İşdə münaqişənin yetişdiyini hiss edəcək və hamının maraqlarını nəzərə almaqla, ondan yayınmaq üçün üsul tapacaqsınız. Sərfəli sövdələşmə mümkündür. Bu sövdələşmədən əldə edəcəyiniz gəlir sizə çoxdankı arzunuzu həyata keçirməyə imkan verəcək.

Günün emosional fonu əlverişlidir. Bir müddət əvvəlki narahatlıq və həyəcanı unuda biləcək və müsbət ahəngə köklənəcəksiniz. Əvvəllər dostluq etdiyiniz və romantik münasibətdə olduğunuz adamlara özünü xatırlatmaq üçün pis gün deyil.

Buğa - Sizi çox yaxşı gün gözləyir. Qərar qəbul etməyə və nəticələr çıxarmağa tələsin. Qərarlar düzgün və dəqiq olacaq. Gün həm şəxsi, həm də iş həyatında yeni münasibətlərə başlamaq üçün əlverişlidir. İntuisiyanıza güvənin. O, ən layiqli adamları seçməkdə sizə yardım edəcək. Günün ikinci yarısı romantik görüşlər üçün ideal vaxtdır.

İşdə uğurlar mümkündür. Lakin çətin ki özünüzdən razı qalasınız. Qarşınıza çox yüksək məqsədlər qoyur və aza qane olmaq istəmirsiniz. Sizi tərifləyənlərə qulaq asın, bu gün komplimentlər faydalıdır.

Əkizlər - Gün çoxsaylı yeni vəzifələr, çətin işlər və həllini tələb edən problemlərlə yadda qalacaq. Köməyinizə, mənəvi dəstəyinizə və ağıllı məsləhətlərinizə ehtiyacı olanlar, sizi, demək olar ki, bir neçə yerə parçalayacaqlar. Hərdən əsəbiləşsəniz də, sonradan fitri nikbinliyiniz mənfi emosiyaları üstələyəcək.

Sizin üçün pis xəbərləri olan adamlarla görüş mümkündür. Sakitliyinizi qorumağa, hər şeyi soyuqqanlılıqla düşünməyə çalışın. Yəqin ki, sonradan vəziyyətin ilk anda göründüyü qədər çətin olmadığı aydınlaşacaq.

Xərçəng - Həftənin ən çətin hissəsi artıq geridə qalıb. Bu gün pis keçməyəcək, sonrası isə daha da yaxşı olacaq. Əvvəllər başladığınız işi bu gün yekunlaşdıra, çoxdandır sizi narahat edən vəziyyətə aydınlıq gətirə biləcəksiniz. Yeni işlərə ehtiyatla başlayın. Səhvlərdən yayınmaq lazımdır. Yalnız bu halda ulduzlar yeni işlərdə uğur vəd edirlər.

Qeyd edilməlidir ki, bu gün lazımi formada deyilsiniz. Ona görə də gün ağır fiziki işlər üçün münasib deyil. Amma intellektual işlər və əyləncədən yorulmayacaqsınız. Odur ki, çətin məsələləri həll edin və ya bütün gecəni əylənin!

Şir - Artan yükün öhdəsindən gəlmək kifayət qədər çətin olacaq. Bu gün tez yorulursunuz, əhval-ruhiyyəniz də birdən pis tərəfə dəyişir. Lakin vəziyyətdən çıxmaq üçün kifayət qədər gücünüz var. Sadəcə olaraq, gücünüzü ağılla sərf etməlisiniz. Gücünüzün çatmayacağı aydın olan işlərə girişməyin.

Bu gün yaxın adamızın dəstəyi çox vacibdir. Xoşbəxtlikdən bunu kimdənsə xahiş etməyə ehtiyac qalmayacaq. Sevənləriniz sizə diqqət ayırmağa şad olacaqlar. Hədiyyələr, xoş sürprizlər mümkündür.

Qız - Çox uğurlu gündür. Ən vacibi, qəti addım üçün əlverişli məqamı əldən verməməkdir. Belə məqam gözlənilmədən yetişə bilər. Odur ki, səhərdən axşama qədər hazır olun. Sayəsində təkcə gəlir yox, həm də nüfuzlu şəxslərin hörmətini qazanacağınız sövdələşmə mümkündür.

Gün istənilən birgə layihələrə başlamaq üçün münasibdir. Özü də təkcə iş sahəsində yox. Sevdiyiniz şəxslə birgə yaşayışa başlamaq, nikah təklifi vermək, iri alqı-satqı, başqa yerə köçmək və s. barədə plan cızmaq olar.

Tərəzi - Gününüz pis keçməsə də, narahatlığa da vadar edəcək. Çətin adamlarla qarşılaşmalı olacaqsınız. Onların davranışlarını qabaqcadan müəyyənləşdirmək mümkün deyil, iradları isə dəqiq olsa da, xoşagələn deyil. Taleyinizdən şikayətlənməyin. Bu gün bir neçə vacib dərs alacaqsınız. Buna görə sonradan minnətdar olacaqsınız.

Maliyyə məsələsi çox mühüm əhəmiyyət daşıyacaq. Qənaətcil olun, spontan bazarlıqlardan imtina edin. Borc vermək olmaz. Kredit götürmək də məsləhət deyil. Sevgi məsələlərində bəxtiniz gətirəcək. Nəhayət ki, ulduzlar sizi çoxdan gözlədiyiniz görüşlə sevindirmək qərarına gəliblər.

Əqrəb - Gün asan keçməyəcək. Həyat potensialı aşağıdır, üstəlik, vaxtınızın böyük hissəsini ayaq üstdə keçirməli, bir çox məsələlərə cavab axtarmalı olacaqsınız. Ətrafdakılarla yola getmək çətindir.

Bütün məsələ həddindən artıq yükdədir. Sizə sakit, hətta darıxdırıcı və gərgin hisslərdən uzaq istirahət lazımdır. Paraşütdən tullanmaqdan imtina edin, əl işləri ilə məşğul olun, kitab oxuyun və ya yaxşı bir filmə baxın. Ən azı, sevdiyiniz şəxslə gələcək planları müzakirə edin.

Oxatan - Müsbət tendensiyalar hələ də özünü göstərir. Bundan bazar ertəsi başladığınız işləri yekunlaşdırmaq üçün yararlanın. Bürcün bəzi nümayəndələrinə yeni müttəfiqlər tapa biləcəklər. Lakin tapdığınız adamlar lazım olduğu qədər bacarıqlı və diribaş olmayacaqlar. Ona görə də vacib işləri təkbaşına görməli olacaqsınız.

Yaxınlarınızla münasibətlərdə müəyyən gərginlik hökm sürəcək. Bu gərginliyin səbəbini tapmağa çalışın. Ola bilsin ki, məsələ adi anlaşılmazlıqla bağlıdır. Bunu xroniki forma almadan tezliklə aydınlaşdırmaq lazımdır.

Oğlaq - Gün yaxşı keçəcək. Günə çətin, amma maraqlı işdən başlamaq olar. Birdən-birə bir neçə mülk məsələsinin qənaətbəxş həlli, əvvəllər bağladığınız sövdələşmələrdən gəlir əldə etməyiniz mümkündür. Yaradıcılıq potensialı bir qədər aşağı olsa da, bu, qarşıya qoyulmuş məqsədlərə çatmağa mane olmayacaq.

Bu gün yorulmazsınız. Əgər günün böyük hissəsini işdə keçirsəniz belə, axşam əylənməyə də gücünüz qalacaq.

Dolça - Çətin gündür. Ətrafdakılarla ciddi fikir ayrılıqları yaranacaq. Üstəlik, dünənədək ağzını açan kimi başa düşdüyünüz adamla dil tapa bilməyəcəksiniz. Rəhbərliklə münaqişələr mümkündür, bəzi Dolçalar iş yerini dəyişmək barədə düşünəcəklər. Uğursuz bazarlıqlar, əbəs xərclər ehtimalı var.

Günün müsbət tərəfi odur ki, nəhayət, diqqətinizi ailə və şəxsi işlərə yönəldə, yaxınlarınzla əlaqələri qaydaya sala və nəyin nə yerdə olduğunu aydınlaşdıra biləcəksiniz. Romantik davamı olacaq gözlənilməz görüş istisna olunmur.

Balıqlar - Kifayət qədər çətin gün olsa da, ümidsiz deyil. Bütün problemləri təkbaşına həll etməyə çalışmayın. Sizə yardım etməyə hazır olan adamı tapa bilərsiniz. Həmişə açıq-açığına hərəkət etmək lazım deyil, hərdən hiyləyə də əl atılmalıdır. Maddi çətinliklər mümkündür. Lakin onlar müvəqqəti xarakter daşıyacaq.

Emosional fon sabitdir. Yaxşı əhval-ruhiyyəni qoruya biləcəksiniz. Əgər mübahisələr yaransa, tez bir zamanda sülhü bərqərar etmək mümkün olacaq. Yaşlı nəslin nümayəndələri ilə dil tapmaq asan olsa da, uşaqlarla yola getmək çətinlik yaradacaq. Valideyn Balıqlar səbrli olmalıdırlar.