“APA Holding” MMC-yə daxil olan APA TV bu gündən yayıma başlayıb.
Televiziyanın əsas məqsədi tamaşaçılara on-line xəbər xidməti göstərmək, maraqlı verilişlər, yeni layihələr, reportajlar, telearaşdırmalar və digər maraqlı proqramlar təqdim etməkdir.
Televiziya hər saatın tamamında 10 dəqiqəlik xəbər buraxılışı təqdim edəcək.
APA TV-də müxtəlif səpkili ictimai-siyasi, sosial mövzuları əks etdirən verilişlər də yayımlanacaq.
Kanal “Səhər-səhər”, “Manşet”, “Sosium”, “Panoram”, “Bizim şəbəkə”, “İlqar Rəsul və...”, “Müharibə adamı” və s. maraqlı verilişlərlə tamaşaçıların görüşünə gələcək.
Televiziya baş direktor və Yaradıcılıq Şurası tərəfindən idarə olunur.
APA TV-nın baş direktoru Eldəniz Vəliyevdir.
Qeyd edək ki, televiziyanı www.apa.tv ünvanında izləmək olar.