2014-cü ildə Soçidə keçiriləcək Qış Olimpiya Oyunlarının qaliblərinə veriləcək medalların təqdimat mərasimi keçirilib.
Medalların çəkisi mükafatın dəyərindən asılı olaraq 460 qramdan başlayır. Ən ağır çəkili medal isə 531 qramdır. Bu barədə Soçi-2014 təşkilat komitəsinin rəhbəri Dmitri Çernışenko məlumat verib.
Təqdimat mərasimi Sankt-Peterburq şəhərində “Lenekspo” sərgi kompleksində keçirilib. Medalları Olimpiya çempionu Svetlana Jurova təqdim edib.
Qeyd edək ki, “Soçi -2014” Olimpiadasında 15 idman növündə 98 komplekt mükafat hazırlanıb. Bu Olimpiada təqdim olunan medalların sayına görə rekorda imza ata bilər. Soçi Olimpiadası üçün 1300 ədəd medal hazırlanıb.
ANS PRESS