Türkiyənin ən populyar teleserialı "Muhteşem Yüzyıl"da Hürrəm Sultan rolunu oynayan aktrisa Məryəm Üzerlinin qazandığı pulların məbləği açıqlanıb.
"Muhteşem Yüzyıl" serialını çəkən "Tims Production"dan verilən məlumata görə, 2011-ci ildə Türkiyəyə gələrək Hürrəm Sultan rolunu oynamağa başlayan Məryəm Üzerli 2,5 ildə 2,86 milyon dollar qonorar alıb.
Bundan başqa, ona rolunu yaxşı oynadığı və seriala reytinq qazandırdığı üçün 100 seriyalıq işinin mükafatı olaraq 1,5 milyon dollar verilib. "Elidor" brendinin reklamlarına qatılmağa görəsə Üzerliyə 600 min dollar ödənib.
Milli.Az