Türkiyə telekanallarında bu yay yeni seriallar başlanacaq.
AHT-yə istinadən verilən məlumata görə, "Aşk hikayesi", "Satılık aşk", "Ben onu çok sevdim", "Benim hala umudum var" və "Fakir gencin romanı" adlı yeni seriallar telekanalların reytinqlərinin aşağı olduğu yay dönəmində tamaşaçıları ekranların qarşısına toplamağa çalışacaq.
"Aşk hikayesi" serialında baş rollarda Serenay Sarıkaya və Çağatay Ulusoy oynayırlar. "The O.C." serialının türk variantı olan serial Star TV telekanalında nümayiş olunacaq.
Star TV-də göstəriləcək digər serial "Gold Film" studiyasının məhsulu olan "Benim hala umudum var"dır. İyul ayında ilk seriyası göstəriləcək serialda baş rollarda Gizem Karaca və Berk Oktay oynayırlar.
"Gold Film"in bir başqa məhsulu olan "Satılık aşk" serialı avqustdan etibarən Kanal D telekanalında nümayiş olunacaq.
"Avşar film" studiyasının çəkdiyi "Fakir gencin romanı" serialında baş rolları Fahriye Evcen və Nik Xhelilaj oynayacaqlar.
Milli.Az