Qoç - şərtlər kritik olduğundan diqqətli və sərvaxt davranın. Yad mühitdəsinizsə, sayıq olun. Fırıldaqçılara inanmayın, təxribatlara uymayın. Bu gün ciddi iş həllini tələb edir.

Yaxın ətrafınızdakı insanlarla təmaslara yetərincə diqqət verin. Onların maraqlarını nəzərə alın, amma bütün tələblərini yerinə yetirməyin.

Günün ikinci yarısında yarımçıq işləri tamamlayın. Dövlət qurumlarından birinin nümayəndəsi və ya nümaynədələri evinizə gələrsə, emosional danışmayın.

Belədə yalnız özünüzə zərər verəcəksiniz. Problemi xoş əhval və mülayim danışıqlarla çözmək olar.

Buğa - su bu gün real risk mənbəyidir. Ehtiyatlı olun. Mühüm danışıqlar, ünsiyyət və müzakirələrdə soyuqqanlı davranın.

Maraqlarınızı müdafiə etmədən başqalarının mənafelərinə vəkillik etməyin. Planlar pozula bilər. Şəraitə uyğunlaşın, başqa fəaliyyət sahəsini seçin.

İntuisiyanıza güvənin və dəyişik əhvallarla məqsədlərin dumanından sizi çıxara biləcək qəfil anlamlara şübhə etməyin. Dostlardan birinin sizə ehtiyacı var.
Dürüst addım atın, eqoist olmayın.

Əkizlər - hisslər, münasibətlər, maddi imkanlar və maliyyə perspektivləri sınaqlara məruz qalacaq. Bədxahlarınızla rəqiblərinizin paxıllıq və aqressivliyi artacaq.

Ehtiyatlı olun, məntiqlə davranın. Nəyisə dəyişmək istəyi ilə həddən ziyadə fəal olmayın.
Əhəmiyyət verdiyiniz münasibətlərin yeni anlamlarını aşkar edəcək hadisələr olacaq.

Qərar qəbul edəndə tələskənliyə yol verməyin. Tərəfdaşın sözlərini dinləyin.

Gərgin iş ritmindən sonra normal dincəlmək üçün istirahəti dürüst təşkil edin.

Xərçəng - emosiyaların diapazonu genişdir. Təlaş, nigaranlıq, əsəb, narahatlıq istisna deyil. Əlahiddə maraqların olduğu yerdə qarşılıqlı anlaşmanı əldə etmək çətindir.

İşinizi təkbaşına görün, fərdi fəaliyyəti seçin. Meditasiya bu gün üçün ən yaxşı metafora deyil.

Görüş və ünsiyyətlər yalnız məqsədlərinizin ümumi olduğu, bir-birinizi anladığınız insanlarla nəticə verəcək.

Alış-veriş məsləhət deyil. Su ilə ehtiyatlı olun.

Şir - oyun qaydaları sizi təmin etmirsə, onları dəyişməyə çalışın. Mənfəət, xeyir və gəlir verməyən işdən imtina edin.

Sizdən kömək istəyənə yardım edin. Şəxsi maraqlarınızı təmin edərkən yaxın ətrafınızdakı insanların mənafelərini də nəzərə alın. Yaşananları müşahidə edin, nəticə çıxararaq qərar verməyə tələsməyin.

Günün ikinci yarısında planlarınızı reallaşdırmaq üçün həddən artıq fəallıq, hiperaktivlik başqa maraqlı şəxslərin sərt müqaviməti ilə qarşılaşa bilər. Aramla, çevik davranın, əlverişli anı gözləyin.

Axşam saatlarında istirahət edin.
Gəzintidə, sevdiyiniz işlə məşğul olmaqda xeyir var.

Qız - istənilən formada kuluar və məxfi danışıqlar, intriqalardan imtina edin. Ailə üzvlərinizdən gizli heç nə etməyin.

Bundan başqa, riskli kosmetik prosedurlar və cərrahiyyə əməliyyatları məsləhət deyil.
Alış-veriş zamanı qənaətli olun, lazımsız heç nə almayın.

Rəğbət təzahürlərinə və nişanələrinə layiq olduqlarından artıq önəm verməyin. Macəra axtarışı, sərgüzəşt istəyi düşünülməmiş addımlara səbəb ola bilər.

Günün ikinci yarısında səbr, təmkin və soyuqanlılıqla davranın.
Axşam saatlarında istirahət edin.

Tərəzi - yaşananların mənasını təhtəlşüur səviyyəsində anlayırsınız. Lakin günün təmayülü elədir ki, fikriniz dağıla bilər və səhv edə bilərsiniz.

Diqqətli olun, kiçik və əhəmiyyətsiz məsələləri arxa planda qoyaraq önəmli məsələnin həlli ilə məşğul olun.
Rəqibləri üstələmək, irəliləmək şansı var. Dəyişikliklərdən faydalanın.

Aktiv olun, amma həddən artıq iş görməyə çalışaraq özünüzü yormayın. Gərəkli informasiyanı arayın, nüfuzlu və işinizə təsir edə biləcək insanlarla əlaqə
saxlayın.

Gərəkli nəsnəni axtarın.

Əqrəb - özünütənqid və nəzarət səviyyəsini aşağı salmayın. Hisslərlə emosiyalar çılğın, motivasiyasız olmasın. Şəxsi həyatınızda nəyisə kökündən dəyişə biləcək qərar qəbul etməyin.

Fantaziya və xəyallarınız sizi uzaqlara apara bilər. Hisslərinizi tənzimləyin. Konkret mənsədin olmadığı görüş və ya danışıqlarda məcranı intuisiya ilə yönləndirməyə cəhd göstərin.

Önəmli hadisəni diqqətdən kənar saxlamamaq üçün yaşananları müşahidə edin. Dəyişikliklər və yeniliklər üçün bünövrə hazırlayın.

Yeni olaylar ərəfəsindəsiniz.

Oxatan - özünüzü günahkar hiss edərək başqalarının maraqlarını təmin etməyə və bununla da öz mənafeyinizi unudaraq fəaliyyətə meylli ola bilərsiniz.

Emosional hərəkətlər, yaşamınıza müdaxilələrlə bağlı həyəcan diqqətinizi işdən ayıracaq. Səbrli, təmkinli olun. Ehtiyat və məntiqi unutmayın.

Ruhdan düşməyin, çünki baş verənlər mühüm olayları aydınlaşdırır, qeyri-müəyyənlik yükünü yüngülləşdirir.

Asılılıq hissindən qurtulmaq istəyi yarana bilər. Maraqları dəyişmək, fərqli sahələrdə çalışmağa cəhd göstərmək və əməkdaşlıq, birgə fəaliyyət çərçivələrini genişləndirmək üçün əlverişli gündür.

Seçim edərkən variantların üstün və mənfi yönlərini nəzərdən keçirin.

Oğlaq - "ruh səyahəti"nə çıxmayın, diqqətli olun, sayıq davranın. Emosiyalar və təəssüratlar yaşanan olaylardan daha güclü təsir edə bilər. Görüş və ünsiyyət saatlarla davam etməsin. Ehtimalınızı yoxlayın, proqnozları dəqiqləşdirin.

İntuisiya ilə hesablaşın, ilk emosiyaya aldanaraq davranmayın.
Həyat bu gün sizə önəmli məsələlərdən bəhs edəcək, mühüm nüansa işarə vuracaq.

Dərhal hərəkət impulsuna aldanmayın. Maraqlı nəsnə aşkarlasanız, təmkinlə davranın.

Dolça - hadisələrin məntiqi axarı və enerjinin cərəyanlarını nəzərə alın. Emosiyalar və tələskənlik yolverilməzdir. Fikirləriniz dağınıq olmasın, diqqətsizlik etməyin.

Mühüm tədbiri təxirə salın.
Konteksti nəzərə alın, əməllərinizin sonucları ilə qarşılaşmağa hazır olun.

Kollektivdəki intriqaya qatılmayın. Şəxsi marağınız olan yerdə eqoistlik etməyin, təşəxxüslü addımlar atmayın.

Emosiya və enerjinizin izafi hissəsini yaradıcı prosesə yönəldin.

Balıqlar - sizin üçün önəmli olan müstəvidə hadisələrin inkişaf sürəti artır.

Hisslərinizi ayrıd etmək, yaşananların daha sadə və anlaşılan forma almasına səbəb ola biləcək qərar vermək şansı var. Məşğuliyyətlər və işlər qəfil ola bilər.

Əhvalınız sürətlə dəyişəcək.

Emosiyalar və yaradıcılıq potensialınızın ən yüksək səviyyədə olacağı anı buraxmayın. Fəaliyyətinizin konstruktiv və zəruri hesab etdiyiniz sahəsinin ətalətə düçar olmaması üçün soyuqqanlı olun.

Günün ikinci yarısında hadisələrin axarına müdaxilə etməyin. Bir qədər istirahət edin.
Axşam saatları mikrokosmunuzun qeydinə qalın. "Kiçik dünya"nıza təzyiqlərə imkan verməyin.

Milli.Az