Azərbaycanın ev sahibliyi edəcəyi “Eurovision-2012” mahnı müsabiqəsi ilə
bağlı Bakı Biznes Mərkəzində “Eurovision” mərkəzi fəaliyyətə başlayıb.
“Eurovision-2012" layihəsi ilə bağlı bütün məlumatlar bu mərkəzdən
ötürüləcək.
“Eurovision” mərkəzində mətbuat mərkəzi fəaliyyət göstərəcək. Bu mərkəz
müsabiqə boyu jurnalistlər və nümayəndə heyətləri üçün açıq olacaq.
Burada mətbuat konfranslarının keçirilməsi üçün xüsusi zallar fəaliyyət
göstərəcək.
Mərkəzdə eyni zamanda “Eurovision” muzeyi də yaradılacaq. Muzeydə 57
illik tarixə malik “Eurovision” yarışması, eləcə də sırf Azərbaycanın bu
müsabiqədə iştirak tarixi təqdim olunacaq. “Eurovision” mərkəzinin qısa zamanda açılışının keçirilməsi nəzərdə tutulur.
Qeyd edək ki, “Eurovision” mərkəzi Heydər Əliyev Fondunun dəstəyi ilə yaradılıb.