Azərbaycan əsilli iş adamı Mübariz Mənsimovun 2011-ci ildə 42 milyon dollara satın aldığı və 120 milyon dollar sərmayə qoyaraq ərsəyə gətirdiyi Bodrumdakı "Palmarina Yalıkavak" limanının açılışı olub.
Möhtəşəm açılış mərasimində bir çox ulduzlar iştirak ediblər. Onların arasında Türkiyənin super starı Ajda Pekkan, rusiyalı müğənni Nikolay Baskov, "Avatar" filminin baş rol ifaçısı Zoe Saldana, ingilis aktyor Kreyq Devid, tanınmış iş adamları, idman ictimaiyyətinin nümayəndələri və başqaları olub. “Palmarina” "Avropanın ən yaxşısı, Türkiyənin ən yenisi" şüarı ilə fəaliyyətə başlayıb. Liman ümümilikdə kiçik bir şəhərcik kimi inşa olunub. Gələn qonaqlar burada alış-veriş edəcək, əylənəcək, dünya mətbəxi yeməklərindən dadacaqlar.
“Palmarina” uzunluğu 40 metr və daha böyük gəmilərə ev sahibliyi edə biləcək. "Palmarina Bodrum"un icracı direktoru Levent Baktırın sözlərinə görə, Bill Qeyts və Abramoviç Türkiyəyə gəldikləri zaman gəmilərini heç bir Yaxt-limanda lövbər sala bilmədikləri üçün kiçik qayıqlarla sahilə yan alırdılar. "İndi o nəhəng gəmilər bizim limanımıza yaxınlaşa biləcək. Bizim 43 meqa (40-75 metr), 26 giqa gəmi (75-100 metr) olmaqla, 710 gəmilik tutumumuz var".
VİDEO
ANS PRESS