Prezident İlham Əliyev “2012-2020-ci illərdə Azərbaycan Respublikasında
üzümçülüyün inkişafına dair Dövlət Proqramı”nın təsdiq edilməsi haqqında
sərəncam imzalayıb.
Nazirlər Kabinetinə tapşırılıb ki, aidiyyəti mərkəzi və yerli icra
hakimiyyəti orqanları ilə birlikdə bu sərəncamla təsdiq edilmiş Dövlət
Proqramının icrasını təmin etmək üçün zəruri tədbirlər görsün, İqtisadi
İnkişaf Nazirliyi və Kənd Təsərrüfatı Nazirliyi ilə birlikdə Dövlət
Proqramında nəzərdə tutulan tədbirlərin həyata keçirilməsini
əlaqələndirsin və onun icrasının gedişi barədə ildə bir dəfə prezidentə
məlumat versin.