Qoç - hər şeyin və hər kəsin sizə qarşı olduğunu düşünməyin. Bədxahlarınız çoxdur, amma müttəfiqlərinizin də olduğunu unutmayın.

İnandığınız insanlarla çalışa bilərsiniz. Əsas odur ki, niyyət və ya planınızı təfərrüatlı, aydın şəkildə həmin insanlara anladın. Əks təqdirdə anlaşılmazlıqlar yaşanacaq.

Bir zamanlar çox ciddi hisslərinizin obyekti olmuş insanla qarşılaşa bilərsiniz. Amma indi o, diqqətinizə layiq deyil. O insanla yolları ayırmağınız xeyrinizədir.

Yaşamınızda əhəmiyyətli dönüş, yenilik edə bilərsiniz.
Çəkinməyin, tərəddüd etməyin. Qətiyyətlə irəliləyin.

Buğa - uğurlar, işlərdə qələbə günüdür. Ən yaxşı ideyanızın reallaşmasına mane olan səddi aradan qaldıra bilərsiniz. Hadisələrə təsir imkanı olan nüfuzlu insan sizi dəstəkləyəcək.

Bu isə birgə layihənin gerçəkləşməsinin əsas şərtidir.
Yaşamınıza müdaxilə etmək, xaos yaratmaq istəyəcəklər. Belə insanların niyyətlərini sərtliklə, qətiyyətlə darmadağın edin.

Onların məkrli istəklərini puç etməsəniz, uzunmüddətli planınızı alt-üst edə bilərlər.
Bu gün alacağınız məişət texnikası və ya avadanlıqdan uzun müddət istifadə edəcəksiniz.

Axşam saatlarını istirahətə ayırın. Lakin evdə təcili iş yaranarsa, o işi başa vurun.

Əkizlər - işdə ciddi irəliləyiş olmayacaq. Gün yeni perspektivlər və imkanlar vəd etməsə də, ağır problemlər yoxdur.

Yeni tanışlıqlar olacaq. Təmas quracağınız insanlar bir müddət sonra sizə faydalı ola bilərlər. Ekstravaqant davranmaqdan çəkinməyin. Həmişə və hər yerdə başqalarının zövqünü, maraqlarını, istəklərini nəzərə almaq məcburiyyətində deyilsiniz.

Yaxınlarınızın heç də hamısı sizi dərhal anlamırlar. Aydın, aşkar məsələnin izahı xeyli vaxt ala bilər. Qıcıqlanmayın, əsəbləşməyin. Təmkinli, səbrli olun.

Neqativ emosiyalarınız ailə üzvləriniz və yaxınlarınızın əhvalını pozmamalıdır.

Xərçəng - problemləri asanlıqla, xüsusi səy göstərmədən həll edə bilərsiniz. Bədxahların mənasız sözlərinə fikir verməyin.

Tənqidi filosof sakitliyi ilə qəbul edin. Sizə əvvəllər dəyər verməyən insanlar indi nəyə qadir olduğunuzu görürlər. Maraqlı imkanlar yaranır. Yeni iş və ya sifariş istisna deyil.

Romantik münasibətlər dinamik inkişaf edir. Etibarınıza layiq insanı müəyyənləşdirəndə intuisiyanıza güvənin. Birgə işə başlamaq üçün tərəfdaş arayırsınızsa, sınanmış insanı seçin.

Şir - son vaxtlar sürəkli narahatlıq mənbəyi olan sifarişi və ya layihəni başa vuracaqsınız. Günün ilk yarısında yeni tapşırıq ala bilərsiniz.

Həmin iş sizdən maksimum diqqət tələb edir. Ruhi müvazinətinizi pozmayın, emosiyalarınıza nəzarət edin.

Günün ikinci yarısında xırda problemlərin həlli çox vaxt alır, heç bir emosiya vermir. İmkan varsa, axşam saatlarını ev işlərini görərək keçirin.

Belədə stressdən qurtular, qüvvələrinizi bərpa edərsiniz.

Yayda gerçəkləşdirməyi planlaşdırdığınız təmir üçün tələsməyin. Yetərincə pul yığın, inşaat və təmir materialları alın.

Qız - bir müddət sonra etibarlı müttəfiqinizə çevriləcək insanla görüş mümkündür. O, nəzərdə tutduğunuz iş və ya əhəmiyyətli planınızın reallaşdırılmasında sizi dəstəkləyəcək.

Təbii olun, saxtakarlıq etməyin, imic barədə düşünməyin. Kiminsə xoşuna gəlmək üçün əlahiddə səylər göstərməyə ehtiyac yoxdur. Kim olduğunuzu anlayacaqlar.

Tələsməyin. Özünüzü dinləyin və nə istədiyinizi anlayacaqsınız. Bir müddəti tək qalaraq tənha çalışmağınız istisna deyil. Ağrılı xatirələr sıralanacaq.

Pərişan olmayın, çünki məhz belədə bir dəfə yol verdiyiniz səhvləri təkrarlamamağın yollarını görəcəksiniz.

Günün ikinci yarısında qohumların qəfil viziti istisna deyil. Planlaşdırdığınız işləri bir kənara qoyaraq qonaqları qarşılayın. Gülərüz ev sahibi olun.

Tərəzi - son vaxtlar barələrində nigaran qalaraq narahat olduğunuz insanlardan çoxdan gözlənilən xəbər alacaqsınız.

Köhnə dostlardan birinə təcili yardım gərəkdir. Lakin başqalarının problemlərini həll edərkən öz maraqlarınızı, yarımçıq qalan işlərinizi unutmayın.

İşlərdə qayda yaradın. Ciddi yeniliklər üçün əlverişli zaman günün ikinci yarısıdır.
Təəssüratlar və hisslər dəyişə bilər.

Bilik, bacarıq və təcrübə mübadiləsində xeyir var.
Nisyə iş görməyin, vədlərə aldanmayın.

Əqrəb - yaradıcılıq fəaliyyəti üçün uğurlu ündür. İşlərə başladınızsa, onları yarımçıq qoymayın və mütləq şəkildə başa vurun.

Klassik musiqiyə qulaq asmaq olar.
Ötənlər barədə düşünün, çünki gələcəklə bağlı bir sıra sualların cavabı yaşanmış hadisələrdədir.

Şəxsi münasibətlərə önəm verin. Rəğbət bəslədiyiniz insanla ünsiyyətiniz yaxşı olacaq. Qayğıkeş və həssas olun. Yaxınlarınız sizdən dəstək, yardım istəyirlər. Onları naümid qoymayın, pərişan etməyin.

Sevdiyiniz insan onun həyatında tutduğunuz yeri anlayacaq.
Maddi məsələlərdə diqqətli olun. Maliyyə probleminin yaranmasına imkan verməyin.

Oxatan - asan qələbələr, çoxdan bəri planlaşdırdığınız işlərin gerçəkləşməsini vəd edən gündür. Sürətli və çevik olun.

İstədiyinizi əldə etmək şansını qaçırmayın, rəqibi üstələyin. Hiyləgərlik də edə bilərsiniz - məqsədə çatın.

Yeni təəssüratlar, can atsanız da, yollana bilmədiyiniz məkanda olmağınız istisna deyil. Dostlar ideyalarınızı dəstəkləyəcəklər.

Lakin əyləncə ilə baş qataraq işləri unutmayın.
Səhhətinizə fikir verin. Kulinar eksperimentlər üçün uğurlu gün deyil.

Oğlaq - işlərin öhdəsindən mümkün qədər tez gəlməyə çalışın. Yaşananlara uyğunlaşmaq əvəzinə hadisələrin əksəriyyətini maraqlarınıza uyğunlaşdırın.

Rutin, adi məşğuliyyət belə, sizə həzz verə bilər. Tələsmədən gəzişmək, dostlarla görüş, rahat məkanda xoş söhbət əsəblərinizi sakitləşdirməklə yanaşı, əhvalınızı yaxşılaşdıracaq.

Müttəfiq seçmək asan deyil. Yardım və işbirliyi təklif edən az deyil.

Belə təkliflər arasında öz maraqlarını güdən merkantil insanların dedikləri ilə səmimi sözləri ayrıd edin. İntuisiyanıza güvənin - o, kimə etibar etmək gərəkdiyini sizə deyəcək.

Dolça - işgüzar tərəfdaşlarınız bilik, bacarıq və potensialınızda şübhələnirlərsə, mütləq şəkildə yeni işə başlayın. Dəstəyə və yardıma ehtiyacınız yoxdur.

İşlə bağlı bütün problemlərin öhdəsindən təkbaşına gələ bilərsiniz.
Olaylar ilk baxışdan əlaqəli təsir bağışlamır.

Lakin situasiyanı bir qədər araşdırsanız, heç nəyin əsassız baş vermədiyini anlaya bilərsiniz. Müşahidələrinizi etibar etdiyiniz insanla bölüşün.

Aktual problemi çözə biləcək fəaliyyət planını birgə hazırlaya bilərsiniz.
Axşam saatlarında istirahət edin.

Balıqlar - bu gün baş verəcək hadisələrə emosional reaksiya verməyin, olayları ürəyinizə salıb xiffət etməyin.

Problemlər ilk baxışdan göründüyü qədər ciddi deyil və ağır fəsadları da olmayacaq.
Əvəzində yeni ideyalarınız var.

Həmin ideyalar sizə karyeranızda irəliləməyə, habelə çoxdan bəri sizi, yaxınlarınızı narahat edən problemi həll etməyə imkan verəcək.

Yeni tanışlıqlar istəyirsinizsə, evdə oturmayın. Tale sizi evdə tapmayacaq. Zahiri görkəminizə xüsusi fikir verin.

Unutmayın ki, insanı geyimə görə qarşılayırlar.

Milli.Az