Bakının Xəzər, Sabunçu, həmçinin respublikanın Qax, Zaqatala, Balakən və Qazax rayonlarının təbii qaz təchizatında məhdudiyyətlər olacaq.
Azərbaycan Dövlət Neft Şirkətinin “Azəriqaz” İstehsalat Birliyindən verilən məlumata görə, təmir işləri ilə əlaqədar bu gün saat 18:00-dək Qax, Zaqatala, Balakən rayonlarını təbii qazla təmin edən bütün ölçü qovşaqlarında, “Qazax” Qazpaylayıcı Stansiyasında, “Ağköynək”, “1-ci Şıxlı” Avtomatik Qazpaylayıcı Stansiyasında, “Zeytun”, “Zirə əhali”, “Dübəndi bağları” ölçü qovşaqlarında, saat 16:00-dək isə “Zabrat” Qazpaylayıcı Stansiyasında təbii qaz təchizatı dayandırılacaq.
Təmir işləri aparılan müddətdə Qax, Zaqatala, Balakən rayonlarına, Qazax şəhərinə, Xəzər rayonunun Qala, Zirə qəsəbələrinin bir hissəsinə, Zeytun, Xaşaxuna, Dübəndi bağları adlanan yaşayış sahəsinə, Sabunçu rayonunun Balaxanı, Zabrat I qəsəbələrinə və Zabrat II qəsəbəsinin bir hissəsinə təbii qazın verilişində fasilələr yaranacaq.
APA