Bakıda “Nizami” Kino Mərkəzinin təntənəli açılış mərasimi keçirilib.
Kino Mərkəzinin açılış mərasimində çıxış edən mədəniyyət və turizm
naziri Əbülfəs Qarayev bu hadisəni Azərbaycan kino tarixi üçün böyük
hadisə kimi qiymətləndirib: “Bu gün bu möhtəşəm Kino Mərkəzin açılışını
həyata keçiririk və bu kino bayramı hesab olunur. Sabahdan başlayaraq,
Kino Mərkəzində filmlərin nümayişinə başlanılacaq. Hələlik, gün ərzində
bir dəfə kino nümayiş etdiriləcək və bu sırada uşaq filmləri də olacaq. Ümumiyyətlə, bu cür addımlar Azərbaycan kinosunun gələcək inkişafına
xidmət edir”.
Açılış mərasimindən sonra 3D formatında “Konan barbar” filmi nümayiş etdirilib.