Bakı və Abşeron yarımadasında dekabrın 31-də havanın dəyişkən buludlu,
gün ərzində əsasən yağmursuz keçəcəyi, səhər bəzi yerlərdə duman
olacağı, axşama doğru isə havanın tutulacağı gözlənilir. Arabir güclənən
cənub küləyi günün ikinci yarısında mülayim şimal-qərb küləyi ilə əvəz
olunacaq. Havanın temperaturunun gecə 3-6, gündüz 7-12 dərəcə isti
olacağı gözlənilir.
2012-ci il yanvarın 1-də səhər və axşam havanın tutqun, bəzi yerlərdə
dumanlı, zəif çiskinli olacağı, gün ərzində isə dəyişkən buludlu, əsasən
yağmursuz keçəcəyi proqnozlaşdırılır. Mülayim şimal-qərb küləyi əsəcək.
Gecə 3-5, gündüz 7-11 dərəcə isti olacaq.
Azərbaycanın rayonlarında dekabrın 31-də hava əsasən yağmursuz keçəcək.
Gecə və səhər bəzi yerlərdə duman, şərq rayonlarında çiskinli olacağı,
Lənkəran-Astara bölgəsində isə yağış yağacağı gözlənilir. Mülayim
cənub-qərb küləyi əsəcək. Havanın temperaturu gecə 1 dərəcə şaxtadan 4
dərəcəyədək isti, gündüz 7-12 dərəcə isti, dağlarda gecə 0-5 dərəcə
şaxta, gündüz 4-9 dərəcə isti olacaq. Yüksək dağlıq ərazilərdə havanın
minimal temperaturu 11-16 dərəcə şaxta təşkil edəcək.
2012-ci il yanvarın 1-də bölgələrdə hava əsasən yağmursuz keçəcək. Gecə
və səhər saatlarında duman, çiskin müşahidə ediləcək. Şərq küləyi
əsəcək. Havanın temperaturu gecə 1 dərəcə şaxtadan 4 dərəcəyədək isti,
gündüz 7-12 dərəcə isti, dağlarda gecə 1-6 dərəcə şaxta, gündüz 2-7
dərəcə isti olacaq. Yüksək dağlıq ərazilərdə havanın minimal
temperaturunun 11-16 dərəcə şaxta olacağı proqnozlaşdırılır.