“Google” axtarış sistemi əsas səhifəsini yeniləmişdir. Belə ki axtarış sisteminin loqosu, həmçinin naviqasiya paneli dəyişdiriləcəkdir. Bu barədə sentyabrın 19-da “Google Search”ün rəsmi bloqunda məlumat dərc olunmuşdur.
Yazıya əsasən, qara rəngli naviqasiya paneli əsas səhifədən çıxarılacaqdır. Bundan sonra “Google”un bütün tətbiqləri (“Youtube”, xəritə, disk, poçt, xəbərlər və sairə) bir yerdə birləşdiriləcəkdir.
Sözügedən yeniliklər bir neçə həftə ərzində həyata keçiriləcək və həm saytın standart versiyası, həm də “iOS” və “Android” üçün şirkətin mobil tətbiqlərində istifadəyə veriləcəkdir.
AzərTac