Mərakeşdə keçirilmiş 2-ci Beynəlxalq Uşaq Festivalında Azərbaycan təmsil olunub.
Azərbaycanın Mərakeşdəki səfirliyindən verilən məlumata görə, 27 sentyabr – 6 oktyabr 2013-cü il tarixlərində Mərakeş Krallığının Rabat şəhərində Mərakeş şahzadəsi Lalla Məryəmin himayədarlığı ilə 2-ci Beynəlxalq Uşaq Festival keçirilib. Sözügedən tədbirdə ölkəmizi Azərbaycan Respublikasının Mərakeş Krallığındakı Səfirliyinin əməkdaşının oğlu Rəvan və qızı Fərəhnaz Məmmədbəylilər təmsil edib.
Festivala ölkəmizlə yanaşı Misir, Fələstin və digər ölkələrin nümayəndələri qatılıblar.
Minə yaxın uşağın iştirak etdiyi festivalın son günündə Rabat şəhərinin küçələrində karnaval yürüşü keçirilib. Rabatın mərkəzi küçəsindəki olan Parlament binasının önündə quraşdırılan səhnədə təqdim edilmiş Azərbaycanın “Naz eləmə” milli rəqsi tamaşaçılar tərəfindən rəğbətlə qarşılanıb.
APA