GoMap.Az APA-ya istinadən xəbər verir ki, Azərbaycanın xalq artisti Arif Quliyevin oğlu dünyasını dəyişib. Bu barədə Yasamal Rayon Polis İdarəsindən bildirilib.
Hadisə ötən gecə qeydə alınıb. Bakı şəhəri, Şərifzadə küçəsi, 150 ünvanında yaşayan, 1978-ci il təvəllüdlü Fərid Quliyev qəfildən dünyasını dəyişib. Mərhumun ölüm səbəbləri araşdırlır. Mərhumun atası Arif Quliyev açıqlamasında faktı təsdiqləyib. Bildirib ki, oğlu uzun müddət vərəm xəstəliyindən əziyyət çəkib. Xəstəliyi ağır olduğundan onu xilas etmək mümkün olmayıb. Mərhum bu gün torpağa tapşırılacaq.