Qoç - Bu gün sizə çox şey öyrədəcək, çox qiymətli təcrübə qazanacaqsınız. Pis xəbər də var: ilk dəfədən taleyin oyunundan ibrət götürməyənlər çox pis cəzalanacaqlar. Əgər yolunuzu kəsən hər bir maneəni asanlıqla dəf edəcəyinizi düşünürsünüzsə, yanılırsınız.
Əgər tək özünüz yox, ətrafınızdakıları da düşünməyə başlasanız, işləriniz düzələcək. Özünüzə düşmən hesab etdiyiniz şəxslərə kömək edin: bu hərəkət gözlənilməz olduğu qədər, çox yaxşı nəticələr də verəcək.
Buğa - Sərtliyi azaldın, axı siz nəzakətli olmağı bacarırsınız. Bu təqdirdə belə çətin bir gündə bir çox problemlərdən qurtula bilərsiniz. Ətrafınızdakılara onlar haqda nə düşündüyünüzü deməyə tələsməyin: sabah öz rəyinizi dəyişəcək və çox peşman olacaqsınız. Bu günə heç bir danışıq, müsahibə planlaşdırmayın.
Məqsədiniz nə olursa-olsun, bu gün intriqalardan qaçın. Xüsusilə də məqsədə çatmağa lap yaxın olduğunuz anda. Qənaətcil olun!
Əkizlər - Təhlükəli gündür. Yeni ideyalar sizi çulğalayır, hətta onların necə nəticə verəcəyini ağlınıza belə gətirmirsiniz. Bu, sizi zərbə altında qoyur: rəqibləriniz və bədxahlarınız sizin bu halınızdan qəddarcasına istifadə edirlər. Pullarınızı qoruyun, öz səhviniz ucbatından onlar başqalarına nəsib ola bilər.
Ailə tədbirləri üçün münasib gün deyil: yox yerdən mübahisə və münaqişə yaranır. Günün ikinci yarısı əsəbləri cilovlamaq daha çətin olacaq.
Xərçəng - Bu gün həftənin ən uğurlu günlərindən sonuncusudur. Odur ki, son vaxtlar başladığınız işləri bitirməyə, həmçinin həftənin əvvəlindən hazırladığınız müqavilə və sənədləri imzalamağa çalışın.
Emosional fon sabitdir, əhvalınız yaxşı olacaq. Səhhətinizlə problem gözlənilmir. Günün ikinci yarısını yaxın adamlarınızın əhatəsində keçirin, onlarla ünsiyyət sizə faydalı olacaq. Axşam vaxtı səfərə çıxmayın. Xoşagəlməz hallar mümkündür.
Şir - Uğurlu gündür. Ancaq irimiqyaslı və mürəkkəb layihələrə toxunmayın. Çünki başladığınız işi bu gün bitirməyiniz ağlabatan deyil, üstəlik, bunlar üst-üstə yığılıb sabahkı işlərinizə də mane olacaq.
Bir çox Şirlər özlərinin uzaq qohumları ilə çoxdan bəri davam edən münaqişəyə, ailələrarası qarşıdurmaya son qoya biləcəklər. Nəinki sülhü bərqərar etmək, həmçinin hamını rahatladacaq öz şərtlərini diktə etmək onlara nəsib olacaq. Romantik münasibətlərdə də təşəbbüs göstərmək zamanıdır.
Qız - İşgüzarlığınız çox aşağı səviyyədədir, odur ki, peşəkar qələbələrə heç ümid etməyin. Aktual məsələlərin həllinə köklənməkdənsə, bu işləri sizin əvəzinizə görə biləcək birisini axtarırsınız. Amma təəssüf ki, könüllü yardımçılar heç gözə dəymirlər.
Şəxsi münasibətlərdə də hər şey qarışıqdır. Öz hisslərinizdən baş açmaq sizə çətindir. Ətrafınızdakılardan isə danışmağa dəyməz.
Tərəzi - Maraqlı imkanlar yaranır. Həm də o qədərdirlər ki, ən yaxşısını seçməkdə çətinlik çəkəcəksiniz. Narahat olmayın, vaxtınız var, götür-qoy edə bilərsiniz. Karyeranızda yüksəliş mümkündür. Hətta bəzi Tərəzilər öz rəhbərlərinin yerinə keçəcəklər, bunun üçünsə öz peşəkarlıqlarını nümayiş etdirmələri kifayət edəcək: nüfuzlu adamlar bu gün Tərəzilərə qarşı çox diqqətlidirlər.
Günün ilk yarısı emosional fon stabil və xoş olacaq, axşama doğru isə qanınız qarala bilər. Çox böyük rəğbət bəslədiyiniz bir insan ümidlərinizi puç edə bilər.
Əqrəb - Uğurlu, məhsuldar gündür. Usanmadan işləyir və qələbələri ard-arda sıralayırsınız. İstənilən yeni, həm fərdi, həm də müştərək layihənin başlanılması üçün uğurlu gündür: iş nə çətin, nə yorucu, nə də maraqsız olacaq. İmtahan verən Əqrəblərin də bəxti çox gətirəcək.
Romantik əhval-ruhiyyə günün ikinci yarısına doğru güclənəcək. Yeni münasibətlərin əsasını qoymaq, həmçinin mövcüd olan münasibətləri daha da gücləndirmək imkanı yaranır.
Oxatan - Xüsusi bir hadisə baş vermir. İlk öncə bu sizi yorur və əsəbləşdirir. Amma tezliklə başa düşəcəksiniz ki, vəziyyəti dəyişmək olar. Sadəcə, hamının gözlədiyi hadisələrin təşəbbüskarı olmaq gərəkdir. Vizual incəsənətlə məşğul olanlar üçün əla gündür, bu gün istedadınız çox parlaqdır. Ancaq uğur əldə etmək üçün tək ideya kifayət eləmir, gərək qollarınızı çirməyib işə girişəsiniz.
Çox iri məbləğdə pul xərcləməyinizə rəğmən, narahat olmayacaqsınız. Mebel və ya məişət əşyası almağa dəyər - bu gün seçiminiz sizi yanıltmayacaq.
Oğlaq - Günü yaxşı adlandırmaq olmaz. Tərəfdaşlarınızla savaşır, dəfələrlə sizə faydası dəymiş insanların dəstəyini itirirsiniz. Maliyyə vəziyyətiniz ürəkaçan deyil, yaxşı olar ki, ciddi məsrəf tələb edən xərcləri azaldasınız.
Şəxsi münasibətlərə köklənsəniz, günün pisliyini, gərginliyini üzərinizdən ata bilərsiniz. Yaxın adamlarınızla açıq söhbət bir çox qaranlıq məsələlərə aydınlıq gətirərək ürəyinizə su səpəcək. Lazımi məlumatı vaxtında almaq şansınız var.
Dolça - Yeniliklərə hazır olanlar üçün maraqlı perkspektivlər açılır. Ancaq əgər adətkar olduğunuz vəziyyəti qoruyub saxlamağa üstünlük verirsinizsə, o zaman bu gündən əlahiddə bir sürpriz gözləməyin. Əgər bu günə işgüzar görüş təyin etmisinizsə, oraya tək yollanmayın, tərəfdaşlarınıza ehtiyacınız olacaq: sizin nöqteyi-nəzərinizi tələbkar opponentlərinizə hələ sübut etmək lazımdır.
Şəhərətrafı gəzinti, açıq havada aktiv istirahət üçün uyğun gündür. Romantik görüşlər sizi məyus etməyəcək. Ancaq yarınız bir təşəbbüs göstərməsə, təəccüblənməyin, bu gün ilk addımı məhz siz atmalısınız.
Balıqlar - Gərgin və mürəkkəb gündür. Həmkarlarınız və rəhbərliklə münasibətləriniz korlanır. Özünüzə çox nüfuzlu düşmən qazana bilərsiniz. Pullarla ehtiyatı olun, qənaətcillik vacibdir. Biznesdə hər hansı təşəbbüs göstərməyiniz məsləhət deyil.
Qeyri-formal ünsiyyət, əyləncəli tədbirlərin təşkili və onlarda iştirak üçün uyğun gündür. Şəxsi zəmində xoşagəlməzliklər baş verə bilər, ancaq onlara o qədər də önəm verməyin, ara tezliklə sakitləşəcək.
Milli.Az