20 Yanvar faciəsinin 22-ci ildönümü ilə bağlı Şəhidlər Xiyabanına
ümumxalq ziyarəti ilə əlaqədar Bakının bəzi küçə və prospektlərində
nəqliyyatın hərəkəti məhdudlaşdırılacaq. Bu barədə Bakı şəhər Dövlət Yol Polisi İdarəsinin bölmə rəisi Vaqif Əsədov məlumat verib.
Onun sözlərinə görə, 20 Yanvar faciəsi qurbanlarını yad edənlərin rahat,
fasiləsiz və təhlükəsiz hərəkətinin təmin olunması ilə əlaqədar
yanvarın 20-də saat 08:00-dan mərasim qurtaranadək Parlament prospekti -
Şəhidlər Xiyabanı istiqamətində, Mikayıl Müşfiq küçəsi ilə Hüseyn Cavid
prospektinin kəsişməsindən, Mikayıl Müşfiq dairəsi ilə Mətbuat
prospektinin kəsişməsindən, Teleteatr binasının qarşısından, Milli
Məclisin inzibati binasının arxa hissəsindən Parlament prospekti -
Şəhidlər Xiyabanı istiqamətinə bütün nəqliyyat vasitələrinin hərəkəti
məhdudlaşdırılaraq istiqamət dəyişdiriləcək.