Qoç - Əgər vacib qərarlar qəbul etməsəniz, gün problemsiz və itkisiz bitəcək. Gücünüzü diqqət tələb edən cari məsələlərə yönəldin, mürəkkəb və uzun-uzadı layihələrə isə toxunmayın. Bu cür yanaşma sizə enerjinizi qorumağa imkan verəcək (axşama doğru ona ehtiyacınız olacaq). Yaxşı olar ki, kiminləsə məsləhətləşəsiniz, ya da başqalarını sizin əvəzinizə fikirləşməyə məcbur edəsiniz. Xanım Qoçlar sərtxasiyyət kişilərin yanında özlərinə yer hazırlasınlar.
Özünüzə diqqət yetirin. Kosmetik prosedurlar, imic dəyişkənliyi, qarderobun yenilənməsi üçün yaxşı gündür. Axşam romantik xarakterli sürprizlər vəd edir.
Buğa - Əgər səhəri sol ayağı üstə açsanız, narahat olmayın, günortaya doğru əhvalınız düzələcək. Çətin olanı fikrinizi cəmləməkdir. Bunu etsəniz, qalanı asandır. Xırdalıqlara ciddi yanaşmağınız, detallara diqqət verməyiniz bir çox problemlərdən qaçmağa kömək edəcək.
Düzdür, sizin xırdaçılığınız ətrafınızdakıları xeyli qıcıqlandıracaq. Münaqişələrdən qaçmaqda yumor köməyinizə gələr: həm özünüzün, həm başqalarının səhvlərini zarafata salmaqla situasiyadan çıxa bilərsiniz.
Əkizlər - Müstəqil fəaliyyətdə uğur mümkündür. İşgüzar görüşlər yalnız diqqətinizi yayındırır, çünki heç bir faydası yoxdur. Bu gün mürəkkəb problemləriniz barədə fikirləşin, onların bir neçə həll yolu ola bilər.
Bu gün özünüzü başqalarıyla müqayisə etməyin, onların uğurları ilə öz nəticələrinizi tutuşdurmayın. Günün ikinci yarısı özünüzə inamınız azalacaq, ətrafınıza baxmaqda davam etsəniz, o, tamamilə itəcək. Axşam alış-verişə çıxa bilərsiniz. Bahalı əyləncəyə qoşula bilərsiniz.
Xərçəng - Kişilərlə işgüzar təmaslar məhsuldar olacaq. Tez dil tapacaq, detalları dəqiqləşdirəcək, bəzi hallarda müştərək layihələrə dair qəti qərar qəbul edəcəksiniz. Qadınlarla yola getmək isə çox çətindir (xidmət sahəsində işləyənlər istisna olmaqla).
Dövlət idarələrinin işçilərilə görüşlər isə məsləhət deyil. Sahibkar Xərçənglərin gömrük təşkilatlarının əməkdaşları ilə problemləri mümkündür. İşgüzar səfərlər və romantik səyahətlər üçün uyğun gündür.
Şir - Kim sərbəst işləməyi bacarır və sevirsə, ətrafdakıların dəstək və təqdirinə ehtiyac duymursa, tənqidləri sakit qəbul etməyi bacarırsa, bu gün müəyyən nəticə əldə edə bilər. Diqqətinizi faktlara yönəldin, emosiyaları isə bir qırağa qoyun - həm işdə, həm də şəxsi münasibətlərdə.
Bu günə səfər planlaşdırmayın. Nəqliyyatla problemlər, yolda çətinliklər mümkündür. Əgər yenə də yola çıxmalısınızsa, özünüzlə etibarlı bir adam götürün. Gözlənilməyən xərclərə hazır olun.
Qız - Uğurun əsas şərti - soyuq başla fikirləşmək, hadisələrə real yanaşmaqdır. Öz gücünü və planlarını obyektiv qiymətləndirməyi, məqsədə doğru aparan mərhələləri təyin etməyi bacaranlar istəklərinə çatacaqlar. Hərdəmxəyallar isə (Qızlar arasında belələrinə çox nadir rast gəlinir) heç nə qazana bilməyəcəklər.
Çox mümkündür ki, dostlarınız sizi görməyə gəlsinlər, onlarla gözəl vaxt keçirəcəksiniz. Bir az əvvəl başlanan dostluq romantik axara düşəcək, bu isə sizi sevindirəcək.
Tərəzi - İşgüzar münasibətlərdə ciddi çətinliklər gözlənilir. Sosial və ya karyera baxımından sizdən fərqli mövqedə olanlarla ümumi dil tapmaq asan deyil. Adətən, sizə qarşı mülayim mövqe tutanlar və ya etibarlılıq göstərənlər bu gün qanınızı qaralda, ümidlərinizi heç edə bilərlər. Bəzi Tərəzilərin rəhbərliklə araları elə dəyəcək ki, hətta iş yerlərini dəyişmək barədə fikirləşəcəklər.
Şərait elə gətirəcək ki, vaxtilə sayəsində çox nailiyyətlər əldə etdiyiniz insanla əməkdaşlığı bitirmək məcburiyyəti qarşısında qalacaqsınız. Şəxsi münasibətlərdə qeyri-müəyyənlik sizi narahat edir, yaxınlarınızı sıxma-boğmaya salaraq sizi narahat edən suallara cavab tapmağa çalışırsınız.
Əqrəb - Maliyyə itkiləri mümkündür. Bunun səbəbi isə düşünülməmiş hərəkətləriniz, qəfil hansısa əşyanı almaq zərurətidir. Pulları asanlıqla xərcləyirsiniz. Bəs niyə fikirləşmirsiniz ki, bir dəfə də əlinizi atanda pul qabının deşiyindən barmağınız çıxacaq? İşlərinizi yoluna qoymaqda çətinlik çəkmirsiniz, amma başınız tamamilə mənasız məsələlərin həllinə qarışır və çox vaxt itirirsiniz.
Şəxsi həyatınızda problem yaranmır, yaxınlarınızla ünsiyyətləriniz əladır, mübahisələrə yol verməməyə çalışırsınız. Səfərlər, ekskursiyalar üçün uyğun gündür.
Oxatan - Həmkarlarınız və qohumlarınız çox israr edirlər, onlara müqavimət göstərmək sizə çətindir. Nəticə də qanunauyğundur: siz başqalarının problemləri ilə məşğul olur, öz işlərinizi unudursunuz, lazım olmayan güzəştlərə gedirsiniz. Amma bir qədər qətiyyət göstərsəydiniz, öz maraqlarınızı qoruya bilərdiniz.
Kommersiya fəaliyyəti, müqavilələrin bağlanması, eləcə də fiziki əmək üçün uyğun gündür. Mürəkkəb tədqiqatları, elmi işləri isə bir kənara qoyun. Müxtəlif əyləncələr, dost məclisləri, həmkarlarla qeyri-formal şəraitdə ünsiyyət kefinizi açacaq.
Oğlaq - Diqqətinizi işə cəmləmək çox çətindir. İnsanlar öz problemlərinin sizinkilərdən daha vacib olduğunu hesab edərək sizin fikrinizi tez-tez yayındıracaqlar. Onların səhv etdiyini sakitcə sübut etməyə çalışsanız belə, inciklik yaranacaq, hətta ciddi münaqişəyə çevriləcək. Odur ki, öz istəklərinizlə camaatın problemləri arasında bir kompromis variant axtarın.
Hüquqi xarakterli problemlər mümkündür, bilmədən qanunu poza bilərsiniz. Təcrübəli şəxslərin məsləhətinə ehtiyacınız olacaq. Bəzi xidmətləri və ya köməyi pulsuz əldə etməyə çalışmayın, yaxşı olar ki, bu gün hər şeyin dəyərini ödəyəsiniz.
Dolça - İşdə qarmaqarışıqlıqdır. Bu səbəbdən çox işlərinizi çatdırmayacaqsınız. Boş yerə mübahisələr yaranır və siz əsəbləşirsiniz. Ajiotaj işgüzar aktivliyi azaldır, mənasız söhbətlərə çox vaxt itirirsiniz. Bunların əksəriyyəti isə münasibətlərin aydınlaşdırılmasına yönəlib.
Alış-verişə çıxmaq məsləhət deyil. Pullarınızı qoruyun, ancaq çox vacib olan əşyaları alın. Sevgi görüşləri üçün uyğun gündür: bütün problemləri fikrinizdən çıxarmaq üçün bir azca romantikaya ehtiyacınız var.
Balıqlar - Yaradıcı potensialınız yüksəkdir, bu, həyatınızın bütün sferalarında dəyişikliyə səbəb olur. Ən çox dəyişiklik isə işdə baş verir. Yeni layihələrə başlaya bilərsiniz. Fikirlərinizi həyata keçirmək üçün tərəfdaş və hami tapa bilərsiniz.
Yaxın adamlarla münasibətləriniz yeni mərhələyə adlayır. Qarşılıqlı anlaşma bərqərar olmaqdadır. Təşəbbüs göstərməkdən çəkinməyin. Hisslərinizi etiraf etmək, yaxud xoşunuza gələn birini görüşə dəvət etmək üçün münasib gündür.
Milli.Az