Azərbaycan Respublikasının Prezidenti yanında Gənclər Fondunun maliyyə dəstəyi ilə “İrəli” İctimai Birliyi (İB) və “Azərbaycan İncəsənət Konsulluğu” (“Arts Council Azerbaijan”) tərəfindən “Azərbaycan memarlığı fotoşəkillərdə” fotosərgisi açılacaqdır.
“İrəli” İB-nin mətbuat xidmətindən bildirmişlər ki, fotosərginin təşkilində məqsəd gənc fotoqraflar və ictimaiyyət nümayəndələri arasında Azərbaycan memarlığının tarixinə marağın artırılmasıdır.
Noyabrın 30-da “ART Villa” Qalereya Mərkəzində sərginin açılış mərasimi keçiriləcəkdir.
Sərgidə gənc fotoqrafların Azərbaycanın memarlıq abidələri ilə bağlı çəkdikləri fotoşəkillər nümayiş olunacaqdır.
Sonda qaliblərə hədiyyələr və sertifikatlar veriləcəkdir.
AzərTAc