Gəncə - 2016 Avropa Gənclər Paytaxtı seçilib. Bu haqda European Youth Forum-un ( Avropa Gənclər Forumu) rəsmi saytında məlumat verilib.
Bu gün Yunanıstanın Saloniki şəhərində keçirilən tədbirdə Gəncəni rayon icra hakimiyyətinin birinci müavini Mikayıl Zeynalov təmsil edib. Nəticələr açıqlanandan sonra Avropa Gənclər Forumunun prezidenti Peter Matjasic çıxış edərək Gəncə haqda xoş sözlər deyib.
Qeyd edək ki, 2013-cü il Avropa Gənclər Paytaxtı Sloveniyanın Maribor şəhəri, 2014-cü ildə isə Yunanıstanın Saloniki şəhəri seçilib.
Millət vəkili Ceyhun Osmanlı da Gəncənin bu uğuru münasibətilə təbrik statusu yazıb: "Gəncə - 2016 Avropa Gənclər Paytaxtı seçilib. Bu uğurda əməyi olan hər kəsə təşəkkürlər! Təbriklər, Azərbaycan!"
gun.az