Bu il qızıl çağını yaşayan ən dəbdə olan geyimlərin siyahısını hazırlamışıq.
Qadınların 2013-2014-cü illin payız-qış qarderobunda bunlar olmalıdı:
Dəri – Dəri pencəklər bu mövsümün ən sevilən elementidir.
Amma təkcə dəri pencək almaqla kifayətlənməyin. Markalar
kolleksiyalarında dəridən hazırlanan donlara və ətəklərə də geniş yer
veriblər. Salvatore Ferragamonun dəri kombinasiyası dəri sevənlər üçün
ən gözəl nümunədir.
Mavi dalğalar – Bu mövsüm mavi hər yerdə gözümüzə girir. Son
iki ildir ki, markalar kolleksiyalarından mavidən çox istifadə edirlər.
Mavinin bütün tonları çox aktualdır. Stella McCartneye məxsus olan bu
sadə donu uzun illərlə istifadə etmək olar.
Boz və çəhrayı tonlar – Çəhrayı tonlar da dəbdədir. Qışın
qaranlıq atmosferini və soyuğunu unutduran çəhrayı paltolar çox
eleqantdır. Boz rəng isə hər zaman kimi dəbdən düşmür. Boz və çəhrayı
rəngin birlikdə istifadə olunduğu Chanelin bu platosu çox gözəldir.
Toxunma köynəklər – Toxunma köynəklər bizə uşaqlığımızı
xatırladaraq nostalji hisslər aşılayır. Bu mövsüm iki cür köynək almağı
tövsiyə edirk: nazik və kloş ətəklərə kombinasiya edə biləcəyimiz,
digəri isə həftə sonları geyinmək üçün qalın yun köynəklər. Celinenin bu
dizaynı çox sadədir.
Dama-dama stili geri qayıdır – Dama-dama stili yenidən dəbə gəlir. Şalvar, ətək, pencək... Bir ədəd olsa da, dolabınızda olmalıdır.
Bu Ralph Lauren dama-dama dəsti sizə ilham verə bilər.
Ağ – Ağ mövsümün ən çox sevdiyimiz rəngidir. Kim deyir ki,
soyuq havalarda ağ geyinmək olmaz?! Əslində, qışda ağ geyinməmək səhv
olardı. Saflığın simvolu olan ağı istər qara, istərsə də başqa rənglərə
kombinasiya edə bilərsiniz. Elie Saabın bu dizaynı çox gözəldir.
Kolş ətək – 1950-ci illəri sevənlər üçün əla xəbər var.
Dizdən aşağı kloş ətəklə bu il çox dəbdədir. Calvin Klein’ın bu dəri və
kloş ətəyi həqiqətən də gözəldir.
Militeri detalları - Militari dəbinin ən xırda detalı olsa
belə, mütləq geyimlərdə öz əksini tapır. Keçən il çox dəbdə olsa da, bu
il o qədər də aktual deyil. Prabal Gurung hazırladığı geyim militari
stilində olsa da, qadın zərifliyini özündə cəmləşdirə bilib.
Heyvan naxışları – Heyvan naxışlarını artıq istənilən
mövsümdə istifadə etmək olar. Lakin heyan naxışlı geyimlər alarkən iki
məqama diqqət edin. Fotodakı Jean Paul Gaultier donu hamıya yaraşmır.
Belə donlar sizə yaraşmırsa, tək parça alın. Yəni, ya ətək, ya köynək,
ya çanta, ya da ayaqqabı ala bilərsiniz.
Uzun çəkmələr – Keçən qış çox da dəbdə olmayan uzun çəkmələr
yenidən gündəmə gəlib. 5 il bundan əvvəl dəbə bomba kimi düşən uzun
çəkmə səltənətinin bu qədər uzun dava edəcəyini düşünməmişdik. Mini
ətəklər, lasinlərlə çox gözəl qalır. “Stolen Girfriends Club”ın bu
çəkməsi eleqantdır.
Publika.Az