Ənənəvi olaraq ər xanımından iri,
cüssəlidirsə, bəhs etdiyimiz ailədə hər şey tərsinədir. Çünki ər arvadından üç dəfə balacadır. Üstəlik, arvadın 3, ərin 1 yaşı var.
"Ər" Vest-Haylend teryeri cinsindən
olan ağ rənli Coui, "arvad" isə rotveyler Zaradır.
İtlərin sahibəsi Tereza Pettersonun dediklərinə görə, Coui və Zara bir-birlərini çox sevirlər.
Onların sevgisindən 11 küçük doğulub. Lakin küçüklərin 4-ü doğuşdan az sonra tələf olub.
Zara
indi 7 küçüyün anasıdır. Coui də balalarını sərt "tərbiyə" edir, onlar
dəcəllik edəndə dişləyir, itələyir, onlara yerlərini göstərir.
Tereza Pattersonun dediyinə görə, teryer və rotveyler cinslərinin qarışığından doğulan küçüklər "uottis" adlanır.
İngiltərənin
Yorkşir qraflığındakı Şimali Qrimston şəhərində yaşayan 50 yaşlı miss
Tereza itləri ilə fəxr edir: "Onlar bir-birlərini çox sevirlər. Bəzi
insanlar hisslər və sədaqət baxımından bu itlərdən nümunə
götürməlidirlər".
Onun sözlərinə görə, oğulları Conatan və Metyu iki küçüyü götürüb saxlamaq niyyətindədirlər.
Milli.az