Qoç - Əla gündür. Demək olar ki, baş verən bütün hadisələr sizi sevindirəcək. Asanlıqla uğur qazanırsınız. Entuziazmla başladığınız bütün işlər gözəl alınır. Dostlarınızın və yaxınlarınızın dəstəyinə güvənə bilərsiniz. Uşaqlarla və digər kiçik yaşlı qohumlarınızla ünsiyyətdən həzz alacaqsınız. Onların yaxşı əhvalı sizə də sirayət edəcək.
Fiziki iş üçün də münasib gündür. Enerjiniz çoxdur, yorulmaq nədir bilmirsiniz, özünüzü dağları yerindən oynatmağa qadir hiss edirsiniz. İstənilən dəyişiklik sizə fayda verəcək.
Buğa - Yaxşı gündür. Həm yeni təəssüratlar, maraqlı macərələr yaşayacaq, həm də faydalı təcrübə qazanacaqsınız. Bir çoxları özlərinə yeni tanışlar tapacaqlar. Üstəlik, bunların böyük qismi romantika ilə bağlı olacaq. Burada intuisiyanıza güvənə bilərsiniz, o sizi yanıltmayacaq.
Səfərlərə çıxa bilərsiniz. Haraya - fərqi yoxdur, hər yanda sizi müsbət emosiyalar gözləyir. Evdə qalmalı olsanız, səyahətlər haqda, yaxud macəra filmi izləyin, bu, əhvalınızı yaxşılaşdırmaqda sizə kömək edəcək.
Əkizlər - Sizin gününüz deyil. Nə qədər perspektivli görünsələr də, yeni layihələrə başlamaq məsləhət deyil. Bundan başqa, yaxınlarınızla münasibətlərdə ciddi gərginlik yaşaya bilərsiniz. Çünki dəstəyə ehtiyacınız olan anda hər kəs yoxa çıxır. Bu isə sizi pis vəziyyətə salmaqla yanaşı, qanınızı da qaraldır.
Pullarla risk etməyin, dəyərli əşyaları gözünüzdən qoymayın. İtkiləriniz ola bilər. Sövdələşmələr bağlamaq, azacıq da olsa, riskli hesab etdiyiniz layihələrə qoşulmaq məsləhət deyil. Günün ikinci yarısı başınız ağrıya bilər.
Xərçəng - Bu gün yaranan problemləri həll eləsəniz, sizə halal olsun! Çünki sayı-hesabı bilinmir. Daima kiməsə kömək etmək lazım gəlir, öz işlərinizə vaxt çatdırmırsınız. Ən pisi isə içinizdə bir boşluq hiss etməyinizdir. Bu hiss səhər açılandan yaranaraq sizi gün ərzində tərk etməyəcək.
Ağır fiziki işlərlə məşğul olmaq, elektrik alətlərindən istifadə etmək məsləhət deyil. Səfərə çıxmalısınızsa, çalışın, qısa olsun, yorulub əldən düşmək ehtimalınız böyükdür.
Şir - Çox uğurlu gündür, vaxtınızı boşuna sərf etməsəniz, xeyli iş görə bilərsiniz. Kimsə sizə əmr vermir. Ürəyinizə yatan işi görməkdə sərbəstsiniz. Pul, dəyərli hədiyyələr ala bilərsiniz.
Bir çox Şirlər bu gün imtina edə bilməyəcəkləri dəvətlər alacaqlar. Və yaxşı ki, imtina edə bilməyəcəklər. Çünki sonra bu hərəkətlərinə görə heç də peşmançılıq çəkməyəcəklər. Nikah bağlamaq, yaxud sevimli insanla birgə həyata başlamaq üçün münasib gündür.
Qız - Uğurlu gündür, sizin üçün xeyli yaxşı imkanlar yaranacaq. Səhər-səhər elə də yaxşı olmayan əhvalınız saatlar keçdikcə yaxşılaşacaq. Tezliklə görəcəksiniz ki, həyatınız rahat ritmə düşür və hadisələr sizin xeyrinizə cərəyan etməyə başlayır. Yaradıcı potensialınız güclüdür. Tez-tez ağlınıza möhtəşəm ideyalar gəlir. Bunları reallaşdırmaqsa elə də çətin deyil.
Enerjiniz çoxdur, istənilən fiziki aktivlik faydalı olacaq. İdmanla, rəqslə məşğul olun, gəzintiyə çıxın, açıq havada iş görün.
Tərəzi - Bu gündən dahiyanə heç nə gözləməyin. O, gözəl başlanıb, vəssalam. Yeni işlərə başlaya bilərsiniz. Amma tələsməyin, ehtiyatlı olun və xırda detallara diqqət verin. İlk növbədə intuisiyanıza güvənin. Başqalarının dedikləri isə heç də həmişə həqiqət olmur.
Günün ikinci yarısı özünüzü pis hiss edə bilərsiniz. Ciddi bir şey yoxdur, amma aktiv fəaliyyətdən, fiziki işlərdən imtina etməli olacaqsınız. Axşamı evdə, yaxınlarınızla birlikdə keçirməyiniz məsləhətdir. İnsanların çox olduğu yerlərə getməyin.
Əqrəb - Bu gün güclü sarsıntı yaşaya bilərsiniz. Sizin üçün uzun müddət nikbinlik qaynağı olan illüziyalarınız dağılır. Həyatınızda nəyisə dəyişmək gərəyi ilə üz-üzəsiniz, amma daxilən hiss edirsiniz ki, dəyişikliklərə hələ hazır deyilsiniz. Yaxınlarınızla ciddi fikir ayrılıqları, sevdiyiniz şəxslə mübahisə etməyiniz mümkündür.
Aktiv və enerjilisiniz, amma gücünüzü düzgün yönəldə bilmirsiniz. Nəticədə istədiyinizə yox, tamamilə başqa bir şeyə nail olursunuz.
Oxatan - Bu gün bəxtinizə güvənməyin. Çətinliklər, mürəkkəb situasiyalarla qarşılaşacaqsınız. Sakitliyi qoruyub-saxlamaq çətin olacaq. Neqativ emosiyalarınız həddən artıq çoxdur və məhz lazım olmayan anda bu, özünü büruzə verir. Mübahisələr, münaqişələr gözlənir. «Barrikada»nın o biri üzündə isə məhz yaxınlarınızdır.
Sizi maraqlandıran bir işə diqqətinizi cəmləyin. Məhz maraq və ilham sizə neqativ tendensiyaların öhdəsindən gəlməyə kömək edəcək.
Oğlaq - Xeyli çətinliyiniz meydana çıxa bilər. Öz planlarınızdan imtina edib maraqsız işlərə köklənməli olacaqsınız. Məsuliyyət hissinin əsirinə çevrilirsiniz: sizə tamamilə xoş olmayan işlərlə məşğulsunuz, ən pisi də odur ki, başqa çıxış yolunuzun olmadığını dərk edirsiniz.
Maliyyə vəziyyətiniz yaxşı deyil. Pullarınız əlinizdən çıxır, tezliklə pul kisəniz boşala bilər. Dəyərli əşyaları və sənədlərinizi nəzarətdə saxlayın, itirə bilərsiniz. Günün ikinci yarısı, çalışın, tək qalmayasınız. Yaxınlarınızla ünsiyyət sizə nikbinlik bəxş edəcək.
Dolça - Belə çətin gündə sakitliyi qoruyub-saxlamaq çətindir. Kədərlənmək üçün ciddi bir səbəbiniz olmasa da, əhvalınız tez korlanır. Yaxınlarınız nə qədər sizi şənləndirməyə çalışsalar da, buna nail ola bilmirlər. Yaşlı qohumlarınızla münaqişə mümkündür. Hətta sizi çox sevənlər də bu gün sizi düzgün başa düşmürlər.
Orqanizminizi çətinə salmayın. Mətbəxdə eksperimentlər etməyin, qida allergiyaları mümkündür.
Balıqlar - Asan uğur və qələbələrə ümid etməyin. Çətinliklər və anlaşılmazlıqlarla dolu gündür. Sizi başqaları idarə etməyə çalışacaqlar və pis olan da budur ki, bunlara qarşı mübarizə aparmağa özünüzdə güc tapmırsınız. Sizi tələyə salmaq çox asandır, bədxahlarınız da bundan istifadə edəcəklər.
Günün ikinci yarısı çox əsəbi olacaqsınız. Ən adi bir hadisə sizi özünüzdən çıxarmağa qadirdir. Müxtəlif yaradıcı işlərlə başınızı qata bilərsiniz. Gəzintilər və meditasiya da xeyrinizə olacaq.
Milli.Az